Video
Read full review
2017-08-12
20129 views
抵食又啱食既Buffet不多，一係地點不就腳，一係食物質素強差人意，而前身是普慶戲院的逸東酒店，約飯局超方便，雖然室內有點嘈雜，但置身室外，身邊是雪糕車，真是未食已經興奮。 入口處擺放了11款Movenpick雪糕車，有熱情果芒果雪葩、榛子雪糕、乳酪雪糕、士多啤梨雪糕、焦糖雪糕、雲呢拿夢幻雪糕、青檸雪葩、冧酒提子雪糕、特濃咖啡雪糕與及Tiramisu雪糕，已經令人雀躍，更有即製脆脆雪糕筒，實在係令人心動。 Seafood Station 陣容是越來越澎湃，先品嚐美國生蠔，質素比起多年前是進步得多，肉質不會過份creamy，而且蠔味亦濃得多，所以近年都多了餐廳選用。 另外，加拿大青口 、熟蜆、藍貝、 紅龍蝦仔、鱈場蟹腳、凍蝦、翡翠螺及東風螺，款式在同級酒店中，實在勝一籌。 當中最愛紅龍蝦仔及鱈場蟹腳，前者帶咸鮮，而後者肉質甜美，都是值得一試。 刺身 有鯛魚、三文魚、吞拿魚及八爪魚，品種不算多，但肉質柔嫩，解凍過程處理得不錯。 Cold Cut 首選自家製紅菜頭香橙醃三文魚，層次分明，又富油香。 另外有煙三文魚
抵食又啱食既Buffet不多，一係地點不就腳，一係食物質素強差人意，而前身是普慶戲院的逸東酒店，約飯局超方便，雖然室內有點嘈雜，但置身室外，身邊是雪糕車，真是未食已經興奮。
入口處擺放了11款Movenpick雪糕車，有熱情果芒果雪葩、榛子雪糕、乳酪雪糕、士多啤梨雪糕、焦糖雪糕、雲呢拿夢幻雪糕、青檸雪葩、冧酒提子雪糕、特濃咖啡雪糕與及Tiramisu雪糕，已經令人雀躍，更有即製脆脆雪糕筒，實在係令人心動。
Seafood Station
陣容是越來越澎湃，先品嚐美國生蠔，質素比起多年前是進步得多，肉質不會過份creamy，而且蠔味亦濃得多，所以近年都多了餐廳選用。
另外，加拿大青口 、熟蜆、藍貝、 紅龍蝦仔、鱈場蟹腳、凍蝦、翡翠螺及東風螺，款式在同級酒店中，實在勝一籌。
當中最愛紅龍蝦仔及鱈場蟹腳，前者帶咸鮮，而後者肉質甜美，都是值得一試。
刺身
有鯛魚、三文魚、吞拿魚及八爪魚，品種不算多，但肉質柔嫩，解凍過程處理得不錯。
Cold Cut
首選自家製紅菜頭香橙醃三文魚，層次分明，又富油香。
另外有煙三文魚、雜錦凍肉及凍蝦配香辣番茄醬，有興趣的朋友可以一試。
Carving Station
Slow Cooked 紐西蘭草飼西冷扒肉味濃郁，而且有嚼口。
至於香草蒜蓉燒紐西蘭羊腿，毫不覺羶味，一般人都容易接受。
一向是澱粉質擁躉，餐廳有即炒Pasta，有蝴蝶粉、長通粉及意大利粉選擇，用上了白汁，加入蘑菇及紅椒絲，食落有嚼勁，不會太稔身，不錯。
熱葷
如果怕食生蠔，餐廳有白汁芝士焗紐西蘭生蠔供應，蠔肉略細，但食得過。
清蒸原條比目魚是屬於最受歡迎菜色之一，清蒸時間啱啱好，肉質保持嫩滑。
椒鹽中蝦就未如預期中的辛辣。
至於農家蒸雞，就真的有家常菜的感覺。
花生雞粥煲得米粒開花，但質感稠密，幾杰身下。
其實仲有金菇粉絲拼紐西蘭草飼西冷牛扒沙爹、香橙鴨胸、煙肉蘑菇忌廉汁意粉、印式薄餅印式炸雜菜、印度雜菜咖哩及印式牛油雞咖哩，不過實在太飽，下次有機會再試。
鐵板燒有燒多春魚、燒魷魚筒 、超甜粟米、燒鮮冬菇、蒜味牛油雞鎚菇、美式豬寸骨與及雞肉芝士腸。
湯
中西各一，西蘭花忌廉湯及雪梨煲豬骨湯，近日外出用膳多了，少喝家中湯水，一見有中湯，自然不放過，入口甜美芳香，夠火喉。
客人有興趣亦可以自家炮製沙律。
甜品
畢竟Movenpick雪糕已佔據了大部分胃納，其他甜品有傳統香蕉巧克力蛋糕、白朱古力慕絲蛋糕、綠茶慕絲蛋糕、紅桑子慕絲蛋糕、朱古力曲奇、呍呢拿曲奇、麵包布甸配雲呢拿汁、芒果奶凍、朱古力噴泉及蛋撻仔，都只是簡單試了奶凍及朱古力噴泉。
P.S :
成人每位 HK$478 ／ 小童每位 HK$368
星期五至日、公眾假期前夕及公眾假期 成人每位 HK$528 ／ 小童每位 HK$408
大家可以在Openrice下載優惠券，憑劵惠顧環球美食自助午餐及「中西海鮮盛薈」自助晚餐低至6折(八月份)
(晚餐)星期一至星期四首40名訂座 / 65折優惠
星期五至星期日、公眾假期及其前夕 / 7折優惠。
Post
