走青

Open Now

Now Closed

呢間新開嘅餐廳，下午有點心、粉麵類、粥類等等。午市都有幾款套餐包飲品。▶️自選一款$62或以下粥/麵，送豆漿/咖啡/ 茶1杯鮮蝦水餃麵，麵質非常之爽口。好耐冇食過咁好食嘅雲吞麵，而且水餃夠大粒，入邊嘅蝦又爽。真係有驚喜。揀咗豆漿可惜今日冇，有機會就再試試。跟餐加$15叫咗碟油菜，幾大碟！▶️炸魚旦魚蛋又係夠彈夠爽，炸咗幾好食！好有以前舊式粥店嘅風味👍🏻▶️蝦餃、燒賣點心揀咗蝦餃同燒賣。蝦餃個皮夠薄，而且蝦餃脹卜卜、好多蝦又爽口。燒賣亦都幾好食，真係唔錯！點心價錢就比出邊稍為高咗少少，不過好食就OK！呢間餐廳嘢食平民，但係水準高，價錢又唔貴，一定會回頭！