Video
Read full review
2022-11-03
426 views
豚骨拉麵套餐（配小龍蝦沙律）$110豚骨湯底味道濃郁，有好香嘅豚骨味，但質地順口唔濃稠；拉麵係幼身嘅，口感彈牙，唔會煮得過軟，而且好掛湯；叉燒肥瘦適中，表面微焦，有淡淡嘅香烤味；木耳絲非常爽口，配埋拉麵食，口感豐富；溏心蛋做到流心效果，但略嫌唔夠入味。小龍蝦沙律有紫菜同櫻花蝦乾作配搭，食得到有小龍蝦肉，味道正常。蝦味噌拉麵套餐（配餃子）$120蝦味噌湯底味道較豚骨湯重味，有蝦膏嘅鹹香味，但唔會死鹹，好香。蝦味噌拉麵就冇用木耳絲，改以櫻花蝦乾作配料，增加咗香氣同口感。餃子外皮焦脆，唔會太乾，但都屬於正常發揮🤣〰️〰️〰️〰️〰拉麵只有2款湯底，得豚骨湯同蝦味噌湯底，選擇較少。豚骨湯底有小驚喜，我覺得豚骨味好香，同出面好多拉麵店嘅豚骨湯相比，呢碗真係出色😋 男朋友仔就鍾意蝦味噌湯底多啲，濃味啲。2款都好食，睇自己個人口味啦。餐廳嘅前菜，小食就相對上比較普通。餐廳座位唔多，平時lunch time都有人龍，不過勝在食拉麵都好快，唔洗等好耐。店員友善，收碗碟嘅時候都好有禮貌，佢見到隔離枱有客人整污糟咗口罩，都主動提供個新口罩比客👍🏻〰️〰️〰️〰️〰️食物: 4/5消費: 3/5 環境: 3.5/5服務: 4/
豚骨拉麵
17 views
0 likes
0 comments
豚骨拉麵套餐（配小龍蝦沙律）$110
豚骨湯底味道濃郁，有好香嘅豚骨味，但質地順口唔濃稠；拉麵係幼身嘅，口感彈牙，唔會煮得過軟，而且好掛湯；叉燒肥瘦適中，表面微焦，有淡淡嘅香烤味；木耳絲非常爽口，配埋拉麵食，口感豐富；溏心蛋做到流心效果，但略嫌唔夠入味。
小龍蝦沙律
14 views
1 likes
0 comments
蝦味噌拉麵
11 views
0 likes
0 comments
蝦味噌湯底味道較豚骨湯重味，有蝦膏嘅鹹香味，但唔會死鹹，好香。蝦味噌拉麵就冇用木耳絲，改以櫻花蝦乾作配料，增加咗香氣同口感。
餃子
9 views
0 likes
0 comments
〰️〰️〰️〰️〰
拉麵只有2款湯底，得豚骨湯同蝦味噌湯底，選擇較少。豚骨湯底有小驚喜，我覺得豚骨味好香，同出面好多拉麵店嘅豚骨湯相比，呢碗真係出色😋 男朋友仔就鍾意蝦味噌湯底多啲，濃味啲。2款都好食，睇自己個人口味啦。餐廳嘅前菜，小食就相對上比較普通。
餐廳座位唔多，平時lunch time都有人龍，不過勝在食拉麵都好快，唔洗等好耐。店員友善，收碗碟嘅時候都好有禮貌，佢見到隔離枱有客人整污糟咗口罩，都主動提供個新口罩比客👍🏻
〰️〰️〰️〰️〰️
食物: 4/5
消費: 3/5
環境: 3.5/5
服務: 4/5
Revisit: Yes
Post
