黃明記粥粉麵家 (Moved) New Location

早前有電視節目介紹黃明記嘅粉麵粥品，琴日剛巧去九龍城買野，於是就去試試。以往經過，都無人排隊，但琴日，竟然勁多人，等咗15mins先有位。一行3人，各自叫咗豬什撈麵、四寶粘同墨丸河。再叫多個淨墨丸share。四寶粘有魚餃、豬肉丸、墨丸同魚旦。四樣皆十分平凡。魚餃勁肥勁多油；豬肉丸有大大粒肥膏；墨丸實得得，唔爽又唔彈。粘粉即銀針粉，呢個幾特別，因為無幾多間粉麵店會供應。 豬什撈麵，麵勁多鹼水，未食都聞到。麵雖然食落好爽，但就超勁鹼水。所以話電視講得幾好食都無用，一試就知係咪真係所講咁正。