高興+ (Closed)

放假傍晚時間和女朋友諗住早d食嘢，係北角附近搵嘢食，去了「高興+」呢間餐廳。店員好好禮貌咁帶我地坐低，呢度都幾舒服，座位幾闊落。摩洛哥雞肉沙律沙律非常豐富，有紅菜頭，甜南瓜粒，果仁，乾果等，個雞肉輕輕烤過，食落唔會好柴，好健康ge沙律，好適合女士食。我地點了高興雞中翼配牛油果醬雞翼個味道調得幾好，好似水牛城雞翼ge味道，而且烤得好香口，配個牛油果醬同埋酸忌廉醬，我自己就鍾意加dd辣椒仔辣汁落去，再點牛油果醬食，更加有風味。番茄醬魷魚義大利飯義大利飯煮得啱啱好，唔會好硬，有返距個口感係度，番茄醬好香，d魷魚都好好味，幾特別。食物種類都幾多，餐廳唔錯。