Video
Read full review
2023-09-07
2368 views
大佬生日梗係要去一間霸氣嘅餐廳食生日飯，今次我哋book咗一間食懷舊工夫菜嘅酒家，需要大半個月前訂位，食材需要時間準備，所以不能草草預約，在預約時需要草擬菜單！雖然有啲麻煩，但係要食好嘢，係要經過一啲考驗！酒樓開業於1964年，已經60年歷史，雖然係屋村酒樓，裝修懷舊，但係好多名人曾經光顧，每晚都爆場，座無虛席。如果你喜歡熱鬧，一定喜歡這裏，因為這裏枱與枱之間非常接近，適合好朋友們去食，非常有氣氛！Book 左6:30pm 朋友未到，就食住小菜等，一個椒鹽鮮魷一個唔記得咗叫咩名，❤️椒鹽鮮魷，鮮魷沾上脆漿炸起，有椒鹽粉非常惹味！❤️杏汁豬肺湯，杏汁味濃，豬肺冇腥味，豬肉鮮甜，足料好大份！我飲完再飲！❤️酥炸蟹鉗，超多蝦肉，粒粒飽滿大粒，加醋食，更好味，入面再有一隻蟹鉗仔！❤️酥炸鮮蝦丸，其實又係蝦肉！下次唔使叫呢個！因為內容一樣！❤️順德鯇魚腸蒸蛋，魚腸唔腥，蛋夠香滑，有好多姜絲！必食之選！❤️錦鹵雲吞，經典懷舊菜，酸酸甜甜雲吞卜卜脆！開胃之選！❤️茄汁大蝦，個個都哇哇大叫，隔籬枱走過嚟影相，因為太大隻，淨係打卡都夠啦！❤️順德煎釀鯪魚，超勁手工菜，睇唔出佢點樣整！超有心機嘅功夫菜！不得了！好好食，不
大佬生日梗係要去一間霸氣嘅餐廳食生日飯，今次我哋book咗一間食懷舊工夫菜嘅酒家，需要大半個月前訂位，食材需要時間準備，所以不能草草預約，在預約時需要草擬菜單！雖然有啲麻煩，但係要食好嘢，係要經過一啲考驗！
酒樓開業於1964年，已經60年歷史，雖然係屋村酒樓，裝修懷舊，但係好多名人曾經光顧，每晚都爆場，座無虛席。如果你喜歡熱鬧，一定喜歡這裏，因為這裏枱與枱之間非常接近，適合好朋友們去食，非常有氣氛！
Book 左6:30pm 朋友未到，就食住小菜等，一個椒鹽鮮魷一個唔記得咗叫咩名，
❤️椒鹽鮮魷，鮮魷沾上脆漿炸起，有椒鹽粉非常惹味！
❤️杏汁豬肺湯，杏汁味濃，豬肺冇腥味，豬肉鮮甜，足料好大份！我飲完再飲！
❤️酥炸蟹鉗，超多蝦肉，粒粒飽滿大粒，加醋食，更好味，入面再有一隻蟹鉗仔！
❤️酥炸鮮蝦丸，其實又係蝦肉！下次唔使叫呢個！因為內容一樣！
❤️順德鯇魚腸蒸蛋，魚腸唔腥，蛋夠香滑，有好多姜絲！必食之選！
❤️錦鹵雲吞，經典懷舊菜，酸酸甜甜雲吞卜卜脆！開胃之選！
❤️茄汁大蝦，個個都哇哇大叫，隔籬枱走過嚟影相，因為太大隻，淨係打卡都夠啦！
❤️順德煎釀鯪魚，超勁手工菜，睇唔出佢點樣整！超有心機嘅功夫菜！不得了！好好食，不過我哋人太多，成14 人，差啲唔夠分！
❤️荔茸香酥鴨，外層鬆化香脆，中間包住厚厚的芋泥，底層有鴨肉！好香口！
❤️金華玉樹雞，擺款精緻，一片雞加一片鹹香的金華火腿，再加冬菇一齊蒸，
雞肉非常新鮮嫩滑！
❤️一魚兩食,大條大龍躉 ，啖啖肉，肉質鮮甜！有膠質！女士最愛！
❤️馬拉糕，超大嚿又鬆化，甜度適中！
人均$550 手工菜來說，CP值高
Ps:牆上對聯有
「第一次不來品嚐是你們的錯，第二次不來品嚐是我們的錯！」
就是這麼霸氣！😂👍
⭐️缺點廁所太細，人有三急閣下自理！😂
Post
