Ministry of Mussels (Closed)

由於屋企大部份嘅外賣餐廳都係以中餐為主,食得太多中餐真係好掛住西餐，咁就一於試吓西餐外賣啦!今次嘅外賣好有心思，美美既橙色盒子，送上嚟嗰刻開箱真係好似人哋YouTubers unboxing咁興奮,因為包裝真係好精美呀🥰是晚試左兩款口味既青口加燒雞，青口同雞有豐富蛋白質，補充能量之餘又低熱量，啱晒夜晚做dinner 呀！首先講吓青口，配左兩款醬汁分別係蒜蓉檸檬味同埋龍蝦濃湯味，煮法非常簡單，青口同埋醬汁都係真空包裝，直接將成個袋放落滾水度滾五至10分鐘就熟晒架啦！再將醬汁淋落青口度就搞掂㗎啦！青口有海水味嘅鮮甜，size幾大粒,口感彈牙, 一啖一啖咁食就將兩包青口食晒,另外配埋兩款醬汁真係好好味,龍蝦濃湯味既鹹香配上蕃茄同粒粒龍蝦肉，好惹味！另外蒜蓉檸檬味就好creamy 同青口一齊好夾，我哋仲特登煮左意粉攞嚟撈汁用，非常滿足🥰燒雞一睇個樣就知好多汁好惹味，呢個就係餐廳嘅招牌菜鼠尾草檸檬烤雞，我想講呢隻燒雞應該係我食過咁多烤雞之中最好食既！平時呢啲類型嘅雞我會覺得都比較鞋口，但呢個就非常Juicy 同埋好嫩口❤️原來餐廳用咗鼠尾草、檸檬皮、迷迭香同牛呢啲配料一齊醃咗一日再烤熟佢，真係皮脆