五輪洞

Open Now

Now Closed

小七食評：今日放工係青衣城想食拉麵，就去試下呢間新開嘅五輪洞拉麵，入去先知依間原來係之前武藏麵屋嘅新分店，同之前黎相比環境靚咗，舒適咗，有去左日本嘅感覺，但枱與枱之間距離近左啲，可能係新店嘅關係，店務員有4個人，眼見廚房都有3個人，安排好座位之後就會有一杯檸檬凍水，並且用手機掃QR code落單，簡單易用，飲完水再加水嘅速度都算快，送拉麵餐時店員會刻意將印有店舖名嘅碗對住食客👍🏻，今次試左兩款拉麵，一碗係五輪洞拉麵、另一款叉燒燶湯沾麵。五輪洞拉麵湯底較清、夠熱、麵為幼麵咬落夠彈牙有小麥味道、叉燒有三片味道較咸無咩肉鮮味，拉麵整體感覺都算好食，但價錢拉埋加一都要90幾蚊，以拉麵黎講性價比一般，但係商場入面嘅食店黎講唔算貴。叉燒濃湯沾麵拉麵用竹籬載住、湯就另外用碗載住，湯底濃厚有大量油脂有小量肉穌味湯入面仲有幾粒肉粒，麵為粗麵有麥香味，叉燒三片麵係較咸，糖心蛋都係熟左啲做唔到流心效果，拉麵整體黎講撈埋啲濃湯係好食嘅，但係價錢加埋一要成100幾蚊，性價比一般整體：用餐體驗不錯，但麵量較小，相比起舊鋪武藏麵屋有進步，食物選擇較多，日後相信會再來嘗試其他菜式。