蘇眉 (Closed)

點都估唔到，青衣山頂上都係平民屋邨，當中竟有間頗 decent 嘅 cafe。餐廳嘅裝修係以藍白色為主，令人感覺好舒服。本以為屋村小店出品一般，可能本身期望唔大，食落反而有驚喜！好似佢嘅什菇帶子意粉就做得非常好，白汁味道剛好而且好入味，食得出唔係 hea hea 淋汁就算（呢一點可能好多連鎖店都做唔到）。雖然帶子細細粒，但其實又好多粒兼且有好多菇同洋蔥。Burger 都唔差架，漢堡扒唔係薄切切果啲，仲有大量蘑菇。加上麵包稍為烘熱咗，有脆脆嘅口感，仲吸收埋蘑菇汁。仲因為即時製作嘅關係，漢堡扒同蘑菇嘅熱力都將芝士溶化，入口果下真係非言語可以形容下，你自己下次嚟親身試下啦！