Sky726

呢間都算係旺角少有嘅高質西餐，食物質素同服務都特別好。望住黃昏晚霞氣氛特別浪漫💕。記得book定窗口位。🦪愛爾蘭石蠔 $38/1🦪法國吉拉多生蠔 $48/1愛爾蘭石蠔味道鮮甜，海水味唔重。法國吉拉多生蠔相對地味道比較細緻。兩款都非常易入口。🥂Prosecco $96/2清爽順滑，果香又重。✨香煎蟹餅伴青檸珍珠 $138外層炸得香口，裏面啖啖都係鮮甜嘅蟹肉。配青檸珍珠油膩感大減。✨番茄水牛芝士沙律 $138番茄清甜而且完全冇青味，估唔到配青醬會咁夾。✨焗波士頓龍蝦尾海鮮意大利飯 $288龍蝦尾彈牙又鮮甜。意大利飯口感啱啱好，吸收晒海鮮嘅鮮味。味道微酸幾開胃，冇平時意大利飯嗰種飽飽膩膩嘅感覺。✨燒美國安格斯熟成西冷扒 $480肉質有少少咬口但冇咩肉質嘅纖維感。西冷扒經過熟成味道特別濃郁，而且仲越𡁻越香。✨焗火焰雪山 $98外層微暖，裏面嘅雪糕冰凍清新。甜度唔高，又有濃濃酒香。滿滿儀式感，味道都唔錯。