52C Medium Rare (Closed)

今日嚟到佐敦寶靈街附近試新店，位於廟街嘅《52°C Medium Rare》有靚靚石燒牛。地舖餐廳，仲有樓上，樓上有廿多個位，歡迎包場，安全至上，樓上食網燒，樓下食石燒。同朋友揀咗兩款截然不同部位，可以share食，石燒件方塊石keep住喺熱爐，臨上菜前再加熱達到300度高溫，新鮮生牛肉放上去好快就熟，大家要快手切開， 盡快將牛肉塊的表面輕輕烤熟，個人喜好，要幾多成熟自己決定。封門柳~口感比較嫩滑，食落會比較淋，夠juicy。下腰西冷~口感比較實在，食落牛味香濃，有口感得來唔韌。店面介紹仲有其他唔同部位，大家嚟試下睇下邊款你最喜歡。羅宋湯+沙律+白飯~羅宋湯好足料，酸酸地好醒胃；沙律夠新鮮，加入麻醬更美味，如果可以添食就更理想；食肉就一定跟白飯啦。最後叫多個甜品先，雪糕有好多味可以揀，薑味夠濃，龜苓膏味夠特別。