Video
Read full review
2023-01-15
30 views
新年緊係要搵下有咩未食過既餐廳食大餐🥳 本來銅鑼灣耀華街Zing!已經有好多餐廳選擇，今次呢間U Izakaya更有有海膽主題Menu, 作為海膽愛好者真係唔可以錯過🤤竹炭麵包配海膽醬 ($38)黑炆炆既竹炭麵包外型好特別，將佢搣開細細塊沾上海膽醬食，開胃又好味牛油果蝦沙律配黑松露蜜糖 ($88)大蝦切成一粒粒，鮮甜彈牙，混入打碎左既牛油果同沙律菜，加上黑松露蜜糖，開胃又健康🤩磯煮鮑魚 ($98)炆煮過的鮑保持左鮑魚鮮嫩爽口的肉質，而且醬汁鮮甜香濃，作為其中一樣前菜非常出色壽司八款 ($468)磯煮鮑魚切碎左一啖放入口特別鮮甜帶子鮮美，同香濃黑松露係絕配吞拿魚腩超級肥美，魚油香味係口中散發雲丹海膽味道超級香甜，食一舊真係唔夠🥺松葉蟹肉鮮甜多汁，一啲都唔乾身火炙左口魚邊充滿油香，入口即溶牡丹蝦大隻肥美，啖啖又甜又厚肉油甘魚味道清甜，帶少少清爽的口感火炙帶子海膽手卷 ($128)帶子同海膽一清一濃，味道本來就好夾，帶子再被輕輕燒過，層次上再加一分香氣三文魚籽海膽手卷 ($108)兩樣濃味既刺身夾埋一齊食，香上加香，絕對係重口味人士之選🤤 作為中意食濃味刺身既人，呢個手卷真係必食虎蝦天婦羅
竹炭麵包配海膽醬 ($38)
黑炆炆既竹炭麵包外型好特別，將佢搣開細細塊沾上海膽醬食，開胃又好味
牛油果蝦沙律配黑松露蜜糖 ($88)
大蝦切成一粒粒，鮮甜彈牙，混入打碎左既牛油果同沙律菜，加上黑松露蜜糖，開胃又健康🤩
磯煮鮑魚 ($98)
炆煮過的鮑保持左鮑魚鮮嫩爽口的肉質，而且醬汁鮮甜香濃，作為其中一樣前菜非常出色
壽司八款 ($468)
磯煮鮑魚切碎左一啖放入口特別鮮甜
帶子鮮美，同香濃黑松露係絕配
吞拿魚腩超級肥美，魚油香味係口中散發
雲丹海膽味道超級香甜，食一舊真係唔夠🥺
松葉蟹肉鮮甜多汁，一啲都唔乾身
火炙左口魚邊充滿油香，入口即溶
牡丹蝦大隻肥美，啖啖又甜又厚肉
油甘魚味道清甜，帶少少清爽的口感
火炙帶子海膽手卷 ($128)
帶子同海膽一清一濃，味道本來就好夾，帶子再被輕輕燒過，層次上再加一分香氣
三文魚籽海膽手卷 ($108)
兩樣濃味既刺身夾埋一齊食，香上加香，絕對係重口味人士之選🤤 作為中意食濃味刺身既人，呢個手卷真係必食
虎蝦天婦羅 ($128)
大大隻虎蝦炸成天婦羅，更加爽口彈牙，仲有香脆金黃色的外皮，熱騰騰的口感冬天食好正
海膽魚子醬帶子意粉 ($238)
每一口都充滿香濃海膽汁既意粉，如果胃仔有空間一定要試！色香味俱全既一道主菜，魚子醬更加為意粉做到畫龍點睛的效果
鐵板黑毛豬肩肉 ($228)
完美剛剛熟既黑毛豬肩，肉質鮮嫩，完全無肥肉同筋位，係啖啖肉的享受😎
蘋果豚肉卷 ($48)
燒香的豚肉包住爽甜脆口的蘋果，第一次食呢個配搭的串燒，好有新鮮感
厚切牛舌芯 ($74)
厚切牛舌真係超厚，肉質爽脆，非常厚肉
雞翼 ($48)
單骨雞翼燒到外皮好脆，方便食用
雞頸 ($48)
雞頸本身就係肉唔多的部位，串燒之後，唔肥又唔油
菠蘿雪葩 ($108)
用左原個菠蘿做返外觀，雪葩質地好幼細，入口即溶，菠蘿味好出好清新
海膽雪糕 ($68)
將海膽做成雪糕，原來可以又香又滑，甜既雪糕入面帶點海膽的咸香，感覺好特別
最有驚喜係餐廳好sweet, 免費幫我地係甜品上面寫左”happy anniversary”既字，即刻叫店員幫我地影相打卡😆
Forest ($88)
用左Vodka同梅酒做底，飲落酒味都比較重，青檸同柚子令杯酒有清新同酸甜的感覺
Summer Fiesta ($98)
酒底用左梅酒，荔枝酒同日本燒酒，加上芒果同菠蘿汁，味道會比較甜，非常適合女仔飲
Post
