酒鍋 (V Point) (Closed)

今日慶祝生日，朋友話帶我去一間起銅鑼灣嘅有靚靚景嘅火鍋，上到樓先發現，完來真係有靚景，睇倒晒下面啲樓，同埋維港海景！一上枱就係勁多醬料任溝，一隻碟都唔夠試，所以我溝左兩碟竹庶茅根同羅漢果菊花茶都係消滯之選，唔會太甜，我覺得好易入口呢個湯底係酒火入鍋，如其名，一上枱嘅時候係著住火，其實四格都係唔同味嘅湯底，樣樣都好好味！安格斯牛小扒肉味好濃，唔似一般嘅肥牛食兩塊就滯。墨魚腸係正常水準。紫菜響鈴卷係新鮮炸，所以啲皮特別鬆化黑松露蝦蟹餃有啲好自然嘅松露味。個三色鮮制生麵係好飽肚嘅，食完一定夠飽。峰巢豆腐用黎吸湯汁係一流。七星報喜每一粒都有驚喜，而且唔會俾個湯蓋過左陣味，食黎估估吓好好玩。其中一格湯底仲有半隻龍蝦，煮耐咗個湯都好濃龍蝦味開心小企鵝係一啲唔同顏色嘅魚滑砌成嘅一粒可愛嘅魚丸，好得意呀，就算烚完都唔會走樣得太嚴重，真係好正蔬菜拼盤同埋雜菌拼盤都排得靚靚，同埋份量非常多，食完呢餐我同我朋友都飽到癲