Video
Read full review
2016-04-30
801 views
美女同事介紹，次次都文記都有點悶，有點新鮮感都好，我就最有冒險精神架啦。曉奧、安信、艾娜、提雲氏、鵬程、豬迪、蝦片、彭美拉，黎個 6 餸 1 湯都夠喇，每個小菜都送白飯咁好？不過最緊要好食。霸皇花豬骨湯，免費例湯，多謝。暖暖地，奶粉味有趣，用開邊隻牌子味精呢？試左一小碗夠晒。京都骨，隻碟可能太大隻，配菜又少，只有菠蘿，甜酸汁又無，所以感覺份量少，非常凄涼又刁零。但竟然係全餐最好味，肉排炸得微脆香口，肉質棉中帶彈，甜酸汁滲入肉排之內，酸酸甜甜又有點肉汁，當然開胃啦，送飯都幾好味。啫啫雞煲，文靜的雞煲溫文地輕輕的來，輕輕的走。並不是熱騰騰吱吱聲送到，煙都唔煙下的常溫，都夠熱既，而且欠缺香氣。啫啫雞煲，我地無 order rare 喎，雞件太生，連我一向唔怕生雞肉既都食唔到囉，趙唔到。味道只容於表面，裡面完全無醃無味。乾鞋硬豬潤作裝飾，失敗。味菜胡椒炒豬肚，似味菜撈豬肚，救命！又係暖暖地，到底係咪用電磁爐煮架？無鑊氣可言。賣相麻麻，欠缺吸引力。豬肚硬而帶羶味，可能因為我無夾住酸菜味菜一齊食啦，多多少少都可以減輕一點，試左一口，bye bye。上湯雜菜煲，時蔬質數差，草青味強烈，無菜甜味。菜芯
霸皇花豬骨湯，免費例湯，多謝。暖暖地，奶粉味有趣，用開邊隻牌子味精呢？試左一小碗夠晒。
京都骨，隻碟可能太大隻，配菜又少，只有菠蘿，甜酸汁又無，所以感覺份量少，非常凄涼又刁零。但竟然係全餐最好味，肉排炸得微脆香口，肉質棉中帶彈，甜酸汁滲入肉排之內，酸酸甜甜又有點肉汁，當然開胃啦，送飯都幾好味。
啫啫雞煲，文靜的雞煲溫文地輕輕的來，輕輕的走。並不是熱騰騰吱吱聲送到，煙都唔煙下的常溫，都夠熱既，而且欠缺香氣。
啫啫雞煲，我地無 order rare 喎，雞件太生，連我一向唔怕生雞肉既都食唔到囉，趙唔到。味道只容於表面，裡面完全無醃無味。乾鞋硬豬潤作裝飾，失敗。
味菜胡椒炒豬肚，似味菜撈豬肚，救命！又係暖暖地，到底係咪用電磁爐煮架？無鑊氣可言。賣相麻麻，欠缺吸引力。豬肚硬而帶羶味，可能因為我無夾住酸菜味菜一齊食啦，多多少少都可以減輕一點，試左一口，bye bye。
上湯雜菜煲，時蔬質數差，草青味強烈，無菜甜味。菜芯、西蘭花、白菜仔、旺菜，粗糙又厚又硬，通通都要 out。湯底味道偏淡且單調，就算有蝦米、鮮魷吊味都返魂乏術，又係兩啖收手。
欖菜乾煸四季豆，味道唔錯喎，欖菜加豆豉濃味又香口，四季豆爽脆香甜有點水份，雖然部分有少少渣。
土魷蒸肉餅，即叫即蒸，蒸餸需時所以最後先到啊。土魷碎隨便地洒係肉餅面就去蒸，完全無諗過要剁埋一齊囉，土魷還土魷、肉餅還肉餅。
嚥韌土魷陣陣海味咸香，好醒胃。肉餅乸到滑嘟嘟又鬆軟，雖然質地麻麻，但混入大量肥豬肉異常香口，加埋土魷撈飯，真係飯都食多兩碗呢。
南乳炆蓮藕豬手，見唔多夠食，叫多碟豬手補補倉，預左份量唔會多，無需擔心食唔晒會浪費。一早炆好兜兩兜即到，暖暖地豬手幾舊一定唔夠分，唔洗客氣搶件試試先。
南乳味道強勁而乏味，食唔到其他味道好悶呢。略咸重口味，撈飯應該可以平衡一點。豬皮膠滑微彈，損下咸咸的骨，無咩肉食。
每道菜恰似屋企鑊仔煮出黎，無鑊氣可言，靜蠅蠅非常寧靜，半睡狀態。煲仔也好、小菜也好，同一方法演繹。京都骨、四季豆、蒸肉餅係我成個 lunch 食得最多，其他都只係一兩件囉。
霸皇花豬骨湯
63 views
0 likes
0 comments
京都骨
42 views
0 likes
0 comments
啫啫雞煲
32 views
0 likes
0 comments
啫啫雞煲
35 views
0 likes
0 comments
味菜胡椒炒豬肚
26 views
0 likes
0 comments
上湯雜菜煲
38 views
0 likes
0 comments
欖菜乾煸四季豆
31 views
0 likes
0 comments
土魷蒸肉餅
22 views
0 likes
0 comments
南乳炆蓮藕豬手
47 views
0 likes
0 comments
Post
