名館 (Closed)

早前去過銅鑼灣希慎廣埸的<名館>，試過佢哋既下午茶點心放題，百多元一位既高水準點心質素，甚是驚喜。今日來到中環擺花街，發現原來中環都有分店，便拍住拖來品嘗一下。任點任食下午茶時段2pm至5pm，2點後入座起計$98 /位，連茶介加一，都係百多元，平時就算去普通酒樓散叫點心，都差吾多呢個價格，仲要係中環核心地段，所以真係真心抵食。餐廳包嘅係蕎麥茶，清清地都幾好飲。餐具亦好精緻。點心選擇吾少，有蝦餃、鵪鶉蛋燒賣、煎藕餅、小籠包、蒸腸粉、啤梨鹹水角、天鵝紫薯酥、文昌雞米線、芋絲夾餅等，每一樣都做得非常好食。沒有因為價格調低而降低質素，水準依然，值得一讚。餐廳裝修時尚格調，適逢下午茶時段，平日人流不多，反而讓我吃得更加自在，沒有壓力，真心可以輕鬆放鬆一下，過一個寧靜既下午。