棋哥燒鵝 (Closed)

放工後出有事要尖沙咀, 順便同朋友們食埋晚餐。呢段時間，人人都好怕出街食，就算出街食都好講求衛生。行經棋哥燒鵝，見店内員工都有帶哂口罩，有做清潔，就入去食。花生眉豆雞腳豬骨湯, 非常足料，勁多湯渣，好濃郁，而且註明不加味精，真係想飲多碗！主打燒鵝，也名不虛傳。原隻燒鵝髀，肉質鬆軟，適量肥膏，燒鵝皮又香又脆，有好香嘅煙燻味。同時保留到肉汁同鵝油嘅油脂香。層次比一般燒鵝多，用心制作。燒腩仔，超級脆皮，好似新鮮出爐嘅感覺。味道適中唔會有死咸嘅感覺，唔單止皮燒得非常香脆, 肉質都都十分嫩。半肥瘦叉燒最好食，雖然唔知佢用咩部位做叉燒，但入口感覺像梅頭，好林好鬆軟，帶一點點肥。燒得剛剛好，又夠蜜汁。呢個餐真係好抵食，仲有油菜, 飯/瀨粉/米粉,仲送老火湯或飲品。