La Rosabelle Restaurant & Bar (Closed)

成晚得我地一台客，feel到死氣沈沈。order時呢一位披頭散髮既waitress堅稱surf n turf入面既「10oz牛肉眼扒」同單點既「10oz肉眼扒」唔同，因為多左個「牛」字⋯⋯同埋好薄做唔到三成熟（都唔明佢點解係都要重複又重複做唔到三成，明明我係要七成熟⋯）事實證明根本係同一樣嘢。仲有一路講一路寫低都可以漏嘢同埋記錯，都幾不可思議。好快黎左一個for share既前菜同其中一個人既主菜，之後一直到食晒呢兩個，其他前菜&主菜都未到。搵咗好耐先搵到waitress答曰：「我都同廚房講咗。」唔關佢事，走咗出去街邊同一位食煙人士吹水。總之非常之差既experience。環境係幾靚既，都算乾淨，但service極差，食物味道都只是平庸，其他幾好都無用。