麵屋丸京

Open Now

Now Closed

呢間拉麵店想試好耐，因為佢個真•叉燒拉麵個圖吸引到，於是上星期拉左個朋友黎深水埗分店食。一嚟到門口見到要排隊，就知道呢間嘢一啲都唔簡單，等就唔係好耐，大約15分鐘就安排到入去坐。然後就同朋友叫左兩碗真•叉燒拉麵🍜，朋友嗰碗走蔥同加麵（+$15）（遠啲嗰碗），而我就再加咗3塊普通叉燒（+$15）（近嗰碗），想試下同真•叉燒有咩分別。點知真係冇令我失望，兩款叉燒味道係冇咩分別，純粹大塊同細塊嘅分別（我認為），叉燒偏瘦但唔鞋口同冇渣，唔錯；個麵幾煙韌彈口，軟硬適中；湯底幾濃郁唔太稀，加上個湯底有層油脂，令個湯底幾滑；至於麵上嘅配菜，例如荀同溏心蛋就正正常常🥲。唔知點解每次食拉麵嘅溏心蛋用筷子開半總係有種治愈🤤然後同朋友食個七味炸雞就有點失色🥲🥲🍗，炸粉偏厚，七味粉唔多唔太夠味，要點沙律醬先抵觸到。下次再有機會食的話，轉食佢個香蔥沙律炸雞，可能會畀呢個好食啲😗。總括成餐飯再加一人一罐可樂，$308理單，不過不失，價錢正常合理，叉燒拉麵賣相有特色，可以再返食。