火山燒 (Closed)

1. 韓國食咗泡菜邪惡五花腩溫泉蛋珍珠米飯同金標和牛肩胛肉68度溫泉蛋珍珠米飯，五花腩成pat 嘢咁，泡菜好鹹，而且成碗飯浸哂啲汁，唯一正常係溫泉蛋；牛肩飯非常多筋咬極都咬唔開，牙鉸都軟埋。2. 跟餐送嘅麵豉湯非常鹹，器具污糟，握手位又濕又淋，相當噁心。3. 餐具睇落好污糟，尤其是木匙羹，特別係而家疫情下一定唔會夠膽用。睇餐牌靚靚仔仔，以為啲嘢食OK，點知大失所望，唔會有下次。就算嘢食普通，都希望基本衛生水平可以做好少少。