Video
Read full review
2022-08-16
10 views
朋友知道我鍾意食車仔麵，今日就帶我嚟食佢平時食開嘅一間性價比極高嘅餐廳😃自己試完真係好得！所以推薦俾大家👍🏻一入餐廳個感覺已經幾好，地方唔大但係夠光猛，枱與枱都有足夠嘅空間🫶🏻兩邊牆身都有特色嘅油畫，睇得出好有心思，非常eyes catching。餐牌亦玩味十足，啲餸名改得好得意，而且真係性價比極高，$41三餸加麵，絕對係糧尾之選🤩我哋因為都肚餓，所以除咗一人一碗麵之餘再加多兩個小食😆炸一口韭菜餃，涼拌糖心皮蛋。韭菜餃絕對不是一口🤪非常大嘅五隻，炸得好香口又juicy，好正！涼拌皮蛋就不過不失，正常口味。終於要講主角車仔麵，我嗰碗總共有四餸😎 炸蝦卷，蘿蔔，牛丸，瑞士雞翼，米粉底。每樣餸都好大份，尤其是雞翼，大隻之餘仲好入味，重口味人士一定中意。蘿蔔都一樣，燜得好軟綿，清甜，配埋自家製菜脯，真係好滿足。朋友就加錢叫咗蕃茄湯底，我試咗個湯頭都覺得唔錯，略為鹹咗少少，不過就夠晒多蕃茄粒粒，佢最推介嘅配料就係豬紅仲有豬頸肉，兩樣都入味到不得了，下次我都要叫嚟試下😆總括嚟講，價錢貼地，份量十足，平時加配餸嘅價錢一定會分等級，呢度通通都係$9，所以真係唔會心痛可以叫多幾樣，另外除咗價錢，味道都好
一入餐廳個感覺已經幾好，地方唔大但係夠光猛，枱與枱都有足夠嘅空間🫶🏻兩邊牆身都有特色嘅油畫，睇得出好有心思，非常eyes catching。餐牌亦玩味十足，啲餸名改得好得意，而且真係性價比極高，$41三餸加麵，絕對係糧尾之選🤩
我哋因為都肚餓，所以除咗一人一碗麵之餘再加多兩個小食😆炸一口韭菜餃，涼拌糖心皮蛋。韭菜餃絕對不是一口🤪非常大嘅五隻，炸得好香口又juicy，好正！涼拌皮蛋就不過不失，正常口味。
終於要講主角車仔麵，我嗰碗總共有四餸😎 炸蝦卷，蘿蔔，牛丸，瑞士雞翼，米粉底。每樣餸都好大份，尤其是雞翼，大隻之餘仲好入味，重口味人士一定中意。蘿蔔都一樣，燜得好軟綿，清甜，配埋自家製菜脯，真係好滿足。
朋友就加錢叫咗蕃茄湯底，我試咗個湯頭都覺得唔錯，略為鹹咗少少，不過就夠晒多蕃茄粒粒，佢最推介嘅配料就係豬紅仲有豬頸肉，兩樣都入味到不得了，下次我都要叫嚟試下😆
總括嚟講，價錢貼地，份量十足，平時加配餸嘅價錢一定會分等級，呢度通通都係$9，所以真係唔會心痛可以叫多幾樣，另外除咗價錢，味道都好重要，呢度兩樣都做到🥹一定會再幫襯。
Post
