四姐川菜

Open Now

Now Closed

小妹雖然唔係幾食得辣，但就好鍾意川菜嗰種又麻又辣嘅刺激感。今日搵咗一間是私房嘅川菜食，希望過下口癮。餐廳位於灣仔一棟商業大廈入面，位置頗偏。menu方面有分涼菜同熱菜，選擇都幾多下。今日就得我同朋友兩個人嚟，$340可以食到兩個涼菜三個熱菜。好彩有得揀辣度，由於自己唔係好食得辣，所以全部餸都叫咗小辣。👉🏻紅油豬耳紅油唔算好多所以感覺唔係好肥膩，豬耳幾爽👉🏻招牌四川涼麵冇諗過咁大碟，最後食唔哂要打包。麵條幼細彈牙爽口，有大量麻辣醬，辣得好過癮。👉🏻辣子雞軟骨用咗幾款辣椒、花椒、八角、葱炒成。雞軟骨炸到好香脆，麻香好重，好食到停不了口。👉🏻招牌重慶水煮魚果然係招牌，同喺大陸食嘅差唔多水準。雖然睇落好紅，但其實唔係好辣。魚肉軟熟細滑冇骨，食落好方便。下面原來仲有闊薯粉同大豆芽。👉🏻青椒土豆絲叫咗個唔辣嘅菜中和下。雖然土豆絲算係普通野，但整得幾爽脆，切得幾幼細。👉🏻加送嘅小菜雖然有點油，但炒得好有鑊氣。今餐非常豐盛，食到好滿足，係香港少有食過好食嘅川菜。