Video
Read full review
2023-07-14
149 views
嗌咗迷你歌劇、法式草莓酥、Crosiant Roll (Dark Chocolate)Crosiant Roll 同法式草莓酥都非常之硬，用佢提供木叉同刀根本篤唔入，只能成嚿食，十分澩嫪。法式草莓酥入邊有果醬，超級酸，仲酸過檸檬，唔知佢點整嘅，而且外面嘅酥皮部分並唔酥，好似放咗成日咁，仲衰過麵包舖臨收工嗰啲麵包，可以話係食唔落口添啊。而Crosiant Roll味道就相對好少少，但酥皮依然同草莓酥一樣差，內餡係朱古力cream，味道正常，但唔多，食晒成嚿會好乾。見佢直接將呢啲酥放喺個甜品櫃上面，冇任何蓋子遮蓋覺得唔係特別衛生。最後係迷你歌劇，亦都係最貴嗰個，質素同其他兩個都相差無幾，雖然味道都係好過其他兩個，但係我都係唔會回購，始終好食過佢嘅甜品多不勝數。喺環境座位方面原先以為係好似cafe咁樣嘅，但原來座位係喺店外，所有人都坐得，而且只有2張枱同3張大梳化椅，所以唔適合多人堂食，食完要自己執返啲嘢抌落隔離個垃圾桶。總而言之連普通街邊餅店賣$4嘅西餅都好食過佢真係有啲過分，我覺得完全冇必要為咗個樣而食呢間嘢囉，食過嘅甜品唔可以話多但亦都唔少，無論係酒店旗下嘅餅店、buffet、定還是地
Crosiant Roll 同法式草莓酥都非常之硬，用佢提供木叉同刀根本篤唔入，只能成嚿食，十分澩嫪。
法式草莓酥入邊有果醬，超級酸，仲酸過檸檬，唔知佢點整嘅，而且外面嘅酥皮部分並唔酥，好似放咗成日咁，仲衰過麵包舖臨收工嗰啲麵包，可以話係食唔落口添啊。
而Crosiant Roll味道就相對好少少，但酥皮依然同草莓酥一樣差，內餡係朱古力cream，味道正常，但唔多，食晒成嚿會好乾。見佢直接將呢啲酥放喺個甜品櫃上面，冇任何蓋子遮蓋覺得唔係特別衛生。
最後係迷你歌劇，亦都係最貴嗰個，質素同其他兩個都相差無幾，雖然味道都係好過其他兩個，但係我都係唔會回購，始終好食過佢嘅甜品多不勝數。
喺環境座位方面原先以為係好似cafe咁樣嘅，但原來座位係喺店外，所有人都坐得，而且只有2張枱同3張大梳化椅，所以唔適合多人堂食，食完要自己執返啲嘢抌落隔離個垃圾桶。
總而言之連普通街邊餅店賣$4嘅西餅都好食過佢真係有啲過分，我覺得完全冇必要為咗個樣而食呢間嘢囉，食過嘅甜品唔可以話多但亦都唔少，無論係酒店旗下嘅餅店、buffet、定還是地鐵站隨處可見嘅店舖都冇呢間嘢嘅質素差，話係我食過最難食嘅甜品之一都無過。
Post