A La Umai (Closed)

今個星期實在太chur, 終於挨到weekend, 訓到自然醒，然後男友帶我去呢間餐廳歎個semi buffet lunch🥰餐廳位於天后嘅一幢商廈入面，離天后地鐵站只係5分鐘步程。餐廳裝潢簡單雅致，地方不大但枱櫈擺位唔會迫，最吸引嘅係呢度有特大玻璃窗，景觀開揚，仲有維港景添！主菜有5款選擇，前菜、餐包、小食、湯同甜品任食，款式唔算多，但咩都有。主菜方面我地揀左意式肉丸意大利麵（$148）同美國安格斯肉眼伴扇貝配磨菇紅酒汁（$238）。意粉整體不錯，份量、硬度、調味都岩岩好，肉丸有三大舊，但肉質結實同乾左少少🤪。肉眼7成熟但仍然夠juicy粉嫩，扇貝大大粒，夠彈牙新鮮，其他配菜都夠新鮮，好睇又好食。食完主菜再食返幾件甜品就為呢餐咁chill嘅brunch劃上完美句號。