Video
Read full review
2024-03-02
121 views
[ 韓大叔大排檔 ]銅鑼灣登龍街有好多餐廳，最近網上有人介紹呢間韓式🇰🇷大排檔，食物好多種類，有醬油海鮮、部隊鍋、韓式炸雞、韓式煎餅、石頭鍋飯、韓式炒年糕/炒粉絲/水冷麵等等。✿ 韓大叔醬油拼盤 $388 🦀🍤呢個拼盤好豐富，有原隻醬油蟹、2隻醬油鮑魚及2隻醬油蝦。鮑魚肉質鮮嫩彈牙，蝦肉飽滿爽口，蟹膏蟹肉滑溜鮮甜，連同醬油撈埋紫菜拌飯🍙一齊食仲可以索盡精華。韓國炸雞 🇰🇷🔥🐔✿ 原味炸雞(半份) $98半份炸雞份量正常，有雞上髀、雞下髀及雞中翼。外層炸粉薄而超脆，肉質嫩滑多汁帶點辣味，非常之惹味，想味道更有層次可以配韓式辣醬或蜜糖芥末醬。韓式煎餅✿ 海鮮煎餅 $88 🍕🐙🍤煎餅外層煎至金黃色，口感煙韌唔會太黏口，餡料有魷魚、蝦肉、韓式泡菜等，配埋辣魚露鮮味更突出。韓式炒年糕系列 ✿ 傳統泡菜阿朱媽炒年糕 $78好受歡迎嘅韓國小吃。條狀韓國年糕較幼身，份量十足。醬汁味道帶點酸辣，而且口感煙韌，愈食愈想食。韓氣推介✿ 人蔘雞湯(半份) $88 🐔🍲見天氣涼涼地飲返鍋人蔘雞湯暖下身。材料有人蔘、雞肉、糯米、栗子等，夠足料。雞肉煮得軟嫩，湯底濃郁，係傳統嘅味道。飲品🍹✿ Haitai青葡萄汁
銅鑼灣登龍街有好多餐廳，最近網上有人介紹呢間韓式🇰🇷大排檔，食物好多種類，有醬油海鮮、部隊鍋、韓式炸雞、韓式煎餅、石頭鍋飯、韓式炒年糕/炒粉絲/水冷麵等等。
✿ 韓大叔醬油拼盤 $388 🦀🍤
呢個拼盤好豐富，有原隻醬油蟹、2隻醬油鮑魚及2隻醬油蝦。鮑魚肉質鮮嫩彈牙，蝦肉飽滿爽口，蟹膏蟹肉滑溜鮮甜，連同醬油撈埋紫菜拌飯🍙一齊食仲可以索盡精華。
韓國炸雞 🇰🇷🔥🐔
✿ 原味炸雞(半份) $98
半份炸雞份量正常，有雞上髀、雞下髀及雞中翼。外層炸粉薄而超脆，肉質嫩滑多汁帶點辣味，非常之惹味，想味道更有層次可以配韓式辣醬或蜜糖芥末醬。
韓式煎餅
✿ 海鮮煎餅 $88 🍕🐙🍤
煎餅外層煎至金黃色，口感煙韌唔會太黏口，餡料有魷魚、蝦肉、韓式泡菜等，配埋辣魚露鮮味更突出。
韓式炒年糕系列
✿ 傳統泡菜阿朱媽炒年糕 $78
好受歡迎嘅韓國小吃。條狀韓國年糕較幼身，份量十足。醬汁味道帶點酸辣，而且口感煙韌，愈食愈想食。
韓氣推介
✿ 人蔘雞湯(半份) $88 🐔🍲
見天氣涼涼地飲返鍋人蔘雞湯暖下身。材料有人蔘、雞肉、糯米、栗子等，夠足料。雞肉煮得軟嫩，湯底濃郁，係傳統嘅味道。
飲品🍹
✿ Haitai青葡萄汁 $25
✿ 桂花烏龍水果茶 $68
除咗呢兩款無酒精飲品，另外有原粒蜂巢特飮及梳打飲品。而酒類飲品有韓式雞尾酒、燒酒、米酒、啤酒等，種類款式好多。
總結🫦
餐廳裝潢好有韓式大排檔風格，韓式食物種類款式好多，好適合一班人share食。即日起至2024年3月31日更有新開業優惠全單85折👍。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
韓大叔大排檔
地址：銅鑼灣登龍街28號永光中心10樓
電話：8481 9684
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
Post
