OPPA韓國燒肉店 (Closed)

平時雞煲就食得多，韓式雞煲真係未食過，所以就捉咗個朋友仔嚟陪我食 😝 閒日下晝嚟到，所以都唔洗等位。春川辣雞套餐 ($308) : 有韓式年糕、雞件同其他蔬菜，之後職員就會加醬汁再幫你撈勻佢，因為有啲想試埋芝士麵，所以加咗 $20 蚊 😝 見醬汁顏色以為會好辣 🥶 不過好彩只係微辣 😌 雞件份量都好多，芝士麵亦可以做到拉絲效果 👍🏻 而食法就好似雞煲嘅食法，首先食咗啲雞、年糕同蔬菜先，之後就會上海鲜什錦鍋物。海鲜拼盤賣相都幾精神，有鮑魚、帶子、海蝦，青口、大蜆、八爪魚、黃金螺。海鮮幾新鮮，大蜆同黃金螺份量都算多，最後食埋啲海鮮我同朋友都超級飽。