JuniJib Dessert (Closed)

今年年初開既韓式甜品店，有馬卡龍、曲奇、刨冰、特飲等。外表色彩繽紛，少女心即時爆發。當中馬卡龍每粒夾心爆餡5cm,用上燕麥奶油代替傳統既奶油/忌廉芝士，相對減輕少少罪惡感。士多啤梨乳酪、焦糖布丁、朱古力提拉米蘇每款粒馬卡龍 $35 ，$100/3粒上下兩塊曲奇較一般厚身，外殼亦無咁易碎，餡料夠軟滑。焦糖布丁：傳統味道代表，加入新元素，外殼曲奇用上燒過焦糖外殼，餡料夾心淡淡布丁味。朱古力提拉米蘇：外殼灑上滿滿可可粉，餡料層加入手指餅，但就略欠咖啡、酒味。士多啤梨乳酪：上層外殼灑上士多啤梨乾，乳酪味唔算突出，反而芝士奶油味更搶，好彩士多啤梨既微酸平衡到甜度。三款中覺得呢款最好食。