Video
Read full review
2017-09-28
2699 views
呢間位於元朗劇院附近嘅韓舍， 屹立喺元朗區已經多年， 深得附近嘅街坊愛戴， 主打平靚正嘅韓式燒烤， 除咗自己落手燒之外， 重推出咗放題， 二百零蚊可以任飲任食， 認真抵食。呢度嘅韓燒爐都幾特別， 中間嘅鐵板主要係用來燒肉， 餐廳亦細心咁預備好牛油紙， 令到食物冇咁易黐底， 咁就唔使食咁多黑色炭焦， 又唔使落咁多油， 食得較健康。 另外側邊嘅四個凹槽， 分別係放有泡菜煎蛋， 芝士粟米， 同埋泡菜湯， 前者可以作為小食， 而湯就可以用來泡蔬菜， 咁就可以做食肉獸之餘，食番啲蔬菜平均一下。先講下呢度嘅熟食， 食物種類都算豐富， 估唔到仲有豬腳薑， 豬腳薑甜酸得宜， 豬腳充滿骨膠原， 炆得夠淋， 薑醋蛋亦非常入味， 出奇地出色。另外亦有壽司區域， 壽司種類雖則唔算太多， 但質素亦相當唔錯， 細細件唔會太多飯， 腐皮中華沙律軍艦餡料夠足， 火焰三文魚卷賣相亦唔差， 令人忍唔住都食多幾件。另外亦有過十種嘅熱食， 金黃色嘅南瓜焗薯蓉， 雖然睇落平凡， 但食落香味十足， 充滿牛油香氣， 口感亦夠滑溜， 媲美得住西餐廳嘅出品， 令人有驚喜。除咗西式食物之外，仲有川味嘅水煮魚， 水煮魚夠麻香， 雖然味道唔
呢度嘅韓燒爐都幾特別， 中間嘅鐵板主要係用來燒肉， 餐廳亦細心咁預備好牛油紙， 令到食物冇咁易黐底， 咁就唔使食咁多黑色炭焦， 又唔使落咁多油， 食得較健康。 另外側邊嘅四個凹槽， 分別係放有泡菜煎蛋， 芝士粟米， 同埋泡菜湯， 前者可以作為小食， 而湯就可以用來泡蔬菜， 咁就可以做食肉獸之餘，食番啲蔬菜平均一下。
先講下呢度嘅熟食， 食物種類都算豐富， 估唔到仲有豬腳薑， 豬腳薑甜酸得宜， 豬腳充滿骨膠原， 炆得夠淋， 薑醋蛋亦非常入味， 出奇地出色。
另外亦有壽司區域， 壽司種類雖則唔算太多， 但質素亦相當唔錯， 細細件唔會太多飯， 腐皮中華沙律軍艦餡料夠足， 火焰三文魚卷賣相亦唔差， 令人忍唔住都食多幾件。
另外亦有過十種嘅熱食， 金黃色嘅南瓜焗薯蓉， 雖然睇落平凡， 但食落香味十足， 充滿牛油香氣， 口感亦夠滑溜， 媲美得住西餐廳嘅出品， 令人有驚喜。
除咗西式食物之外，仲有川味嘅水煮魚， 水煮魚夠麻香， 雖然味道唔算太辣， 但起碼食小辣嘅朋友都可以食到， 而且魚肉夠滑溜， 又冇骨， 夠曬惹味，唔錯。
另外講下呢度嘅韓燒食品， 肉類嘅選擇都算多， 豬肉類有 豬柳條、金沙骨、豬頸肉、香茅豬扒等， 肉類醃得夠味， 味道選擇都算多， 豬肉嘅口感都算紮實， 最鍾意就係厚切嘅豬頸肉， 咬落夠曬爽口彈牙。
另外牛肉類我就推介原味牛肉， 牛肉唔算落得太多鬆肉粉， 咬落都有質感， 消耗之後可以用生菜包住牛肉嚟食， 另外加啲蒜頭同泡菜， 成件事就更加有韓式風味啦。
假如大家想食到質素較為高嘅牛肉， 就可以另外單點日本和牛排或者美國安格斯牛小排啦。 相信質素一定畀燒烤嘅牛扒高得多。
最後講埋甜品啦， 呢度嘅甜品種類都有成十幾款， 甜品雪櫃裏面有一杯杯嘅啫喱、奶凍、木糠布甸等， 細細杯， 啱曬我呢啲又想試曬， 但又怕肥嘅人啦。
另外仲有芒果班戟同芒果糯米糍， 芒果班戟略嫌太多忌廉， 如果可以多番啲芒果肉，咁就perfect池喇。
總括而言， 200蚊可以食足兩個幾鐘， 又可以滿足燒烤嘅慾望， 又有簡單嘅buffet， 無論大人定細路都一定會鍾意。 宵夜時段同早飯時段價錢仲平啲添， 元朗嘅街坊不妨可以試下。
Post
