炑八韓烤 (偉華中心) (Closed)

[ 炑八韓烤 ]間唔時想食韓式燒烤🇰🇷🍖就會去炑八，可以無限任添爐邊芝士、爐邊泡菜蛋同埋韓式前菜小碟，呢樣賣點好吸引。肉類燒烤🔥🍖 ✿ 長牛舌 $198 🐮👅新產品🆕，牛舌超長超大條，雖然較厚身，但獨特切法令到牛舌烤炙時受熱均勻，表面烤至微焦，內層保持軟嫩鎖住肉汁，配搭韓式醬汁更惹味。✿ 外裙肉(8件) $158 🐮新產品🆕，外群肉係牛嘅横隔膜，油花分佈細膩，而且已預先醃味，烤炙後肉質軟嫰，肉味香濃。✿ 香烤豬五花(6件) $128 🐷每次食韓烤都必點！豬五花肥瘦均勻，脂肪與肉層次分明，高溫烤至金黃焦香，緊鎖肉汁。個人中意用生菜包著泡菜、包飯醬及五花肉呢個配搭，口感爽脆無咁油膩。海鮮燒烤 🎏✿ 韓國鰻魚(全份) $248 🇰🇷來自韓國釜山嘅鰻魚，肥美肉厚。係店員主動幫忙之下鰻魚燒至金黃色肉質彈牙，而鰻魚皮燒得好香脆，配上鰻魚汁提升鰻魚鮮味。韓式煎餅 🇰🇷🥞✿ 海鮮煎蔥餅 $108煎餅以麵粉、雞蛋、細蔥等材料加入海鮮如魷魚煎至金黃色，蔥餅較厚身，但外層香脆，內裡口感煙韌。飲品✿ 馬格利生米酒 $98 🇰🇷🍶韓國傳統米酒，較低酒精濃度，原味味道香甜易入口，食烤肉飲米酒口感順滑。甜品🍰✿ 韓