Video
Read full review
2022-10-27
23 views
尖沙咀一帶美食繁多，今晚繼續搵食，決定唔做太多研究，見到環境好，價錢合理就試下啦。厚福街係出左名嘅食街，作為肉類終極愛好者，今晚就試下呢間地舖，係一間以肉類為主題嘅日式丼飯專門店，肉搏食堂。1. 慢煮黑豚盛丼：一上菜真係嚇左一跳，我明明叫丼飯但係一粒飯都見唔到嘅，原來係啲黑豚太多，遮住晒下面嘅飯啦哈哈。黑豚滑溜鬆軟，配合日式芝麻醬同忌廉，既酸又甜，加上一隻非常正嘅流心溫泉蛋，一流！2. 香蔥頂級牛肉配鵝肝丼：重頭戲啦。接近十片厚切頂級牛肉，燒至5-7成熟，口感十足，牛肉味豐富，牛肉愛好者必食。當然不可不提面頭舖住一塊極極極正嘅厚切鵝肝，肥美，油脂味濃，配牛肉同飯一齊食真係人間極品，唔多講，去試下。真係好正。3. 鹽燒三文魚頭：呢道小食最完美之處，莫過於鮮嫩魚肉、肥美魚油同甘香魚皮合演嘅完美交響樂，味道好似音樂咁縈繞於口中，細細品味，調節生活節奏，一樂也。4. 藍梅青檸梳打、青瓜青蘋果沙冰：飲品亦係呢間小店嘅一大亮點，大量非常吸引嘅選擇，今晚食肉試下唔配紅白酒，夾下清新生果凍飲，原來係咁perfect池，咁match㗎，邊飲邊食，絕對可以將美食昇華左去另一個層次，推薦。總結呢個食堂地點非
1. 慢煮黑豚盛丼：一上菜真係嚇左一跳，我明明叫丼飯但係一粒飯都見唔到嘅，原來係啲黑豚太多，遮住晒下面嘅飯啦哈哈。黑豚滑溜鬆軟，配合日式芝麻醬同忌廉，既酸又甜，加上一隻非常正嘅流心溫泉蛋，一流！
2. 香蔥頂級牛肉配鵝肝丼：重頭戲啦。接近十片厚切頂級牛肉，燒至5-7成熟，口感十足，牛肉味豐富，牛肉愛好者必食。當然不可不提面頭舖住一塊極極極正嘅厚切鵝肝，肥美，油脂味濃，配牛肉同飯一齊食真係人間極品，唔多講，去試下。真係好正。
3. 鹽燒三文魚頭：呢道小食最完美之處，莫過於鮮嫩魚肉、肥美魚油同甘香魚皮合演嘅完美交響樂，味道好似音樂咁縈繞於口中，細細品味，調節生活節奏，一樂也。
4. 藍梅青檸梳打、青瓜青蘋果沙冰：飲品亦係呢間小店嘅一大亮點，大量非常吸引嘅選擇，今晚食肉試下唔配紅白酒，夾下清新生果凍飲，原來係咁perfect池，咁match㗎，邊飲邊食，絕對可以將美食昇華左去另一個層次，推薦。
總結呢個食堂地點非常方便，環境明亮，食物頂級水平，絕對係頂級享受。
Post
