鳳城酒家 (干諾道西) (Closed)

今日泥到上環總店鳳城酒家，雖然鋪頭唔算好大，但坐落都好闊落舒適。餐廳主打順德傳統德菜，其中一道招牌菜鳳肝金錢雞，傳統嘅做法喺香港已經唔多見，竟然喺呢度仲食到，不過想食嘅朋友就要提早預訂喇！將叉燒，鳳肝，肥豬肉疊起，口感香滑有層次海蜇拼生腸每舊都大大舊好有咬口，生腸偏咸，配海蜇食可以中和返。另一道幾有特式嘅鍋貼大明蝦，多士經油炸，食落香脆，蝦身彈牙口感十足。食順德菜必點嘅蜆芥鯪魚球，散發陳皮香，食落熱燙有魚味。最後飲返啖淮山杞子雞腳燉螺頭湯暖暖個胃，螺加雞腳味鮮甜吊味，屬於補身之選！