Mango Tree

Open Now

Now Closed

之前同另一半去完西九文化區玩之後就選擇咗呢一間喺圓方嘅泰式餐廳食晚餐，位置喺商場入面有少少偏僻，遠離咗其他嘅餐廳。服務幾殷勤，燈光就偏暗，整體衛生同氣氛唔錯。如果可以坐到入面嘅位，甚至可以見到海景同埋西九文化區嘅景色。我哋最後叫咗三樣嘢，一份鮑魚泰式沙律、泰式風味鱸魚同埋河蝦酥炸糖心蛋。鱸魚同埋河蝦，我就覺得係符合水準，至於個鮑魚沙律我覺得係非常好食，只不過係辣咗少少(可以參考相片)。埋單就大約$800 ，我覺得係一個可以接受嘅水平，會推薦。