新東記火鍋店 (Moved) New Location

呢個冬天都食咗唔少餐火鍋，今次去到尖沙咀新東記，一啲都無令我失望。菜單上選擇唔少，包括湯底、火鍋食材都非常多選擇。呢個日本九州豬骨湯，材料非常之多，用上好多豬骨、冬茹、粟米等等煮沸而成，湯底香味濃郁，能夠帶起食材味道，但又唔會太咸，非常出色!接著嘅海鮮亦極為新鮮，加拿大肥蠔、日本帶子、桂花蚌等等賣相唔單止吸引，味道仲甚有水準。肥蠔隻隻都非常飽滿，入口時唔會過份縮水，滿口鮮味; 而桂花蚌帶有爽勁口感，兼且唔係間間餐廳有，絕對要必點!雪花肥牛肉，脂肪比例非常平均，所以入口時帶有少少油香味，兼且選料新鮮，係滾湯中滾十數秒，都已經食到嫩滑口感。最後有呢幾款食肉，手打三色丸、牛舌片都帶俾無窮滋味。三色丸有蝦丸、牛肉丸、墨魚丸，款款都係手打，所以膠質特別重，入口時亦有爽勁口感。牛舌片亦無羶味，反而有牛肉香味，兼且口感比牛肉更豐盈，亦係另一重點推介。