流記香港仔艇仔粉 (Moved) New Location

香港碩果僅存一、二檔，艇家亦唔係成日開，今日可以試到艇仔粉，真係好開心到飛起!想食既朋友，記得要預早打俾艇家問今日開唔開，約實佢係邊個位等。雖然我地約左佢1點10分，但佢駛過黎時俾人截停叫粉，黎到時已經1點半。不過冇所謂啦，難得一遇，我甘心等!見到駛埋黎時開心到大叫，好似去旅行咁啊!結果更係俾朋友笑到面黃啦即叫即煮，麻雀雖小，五臟俱全係公園開餐更添風味啊!大大碗，加埋飲品都係$40有找。呢碗係雜錦，咩都有，雖然唔係咩特別送菜，但一樣滋味!希望艇家可以keep住開，keep住香港既特色美食!