名川麵棧 (Closed)

餐廳設有露天茶座，食客可以踩單車同帶埋寵物去，夠晒方便。香脆燒腩仔叉燒蛋飯 ($46)燒腩仔肥瘦比例均勻，外皮脆卜卜又香口，肉質鬆化有肉汁，軟腍無渣唔鬆散，味道醃得啱啱好，入口唔會太鹹，亦唔會覺得好油膩。叉燒大大片，每片都有少少肥肉，入口帶有陣陣豬油甘香，甘香肥美。肉味濃，肉質鬆軟唔死實又有咬口。涼粉奶茶 ($23)奶茶口感順滑濃厚，奶同茶嘅比例啱啱好，入口有好濃嘅奶香同茶香；涼粉口感嫩滑，爽口彈牙。