鐵板燒海賀

Open Now

Now Closed

原來尖沙咀The One嗰度有咁高質嘅鐵板燒餐廳，對住落地玻璃加埋個景，真係好正我哋叫咗個海賀二人餐，無花果蟹肉沙律，三文魚籽伴海雲醋，磯煮鮑魚，鵝肝，大蝦，A4宮崎牛，（黑松露和牛/樱花蝦）炒飯，湯同甜品佢每一度菜都令人充滿咗驚喜，包括佢嘅磯煮鮑魚佢嘅鮑魚煮得唔錯而且底下仲用蘿蔔白蘿蔔煎住佢嘅白蘿蔔非常之入味，甚至蘿蔔好食過鮑魚。然後另一樣要提嘅係，佢嘅宮崎牛肉非常之嫩滑可口，一啖咬落去係非常之多汁，而且隔離仲去住對應嘅醬汁非常之夾。而且佢嘅鵝肝都唔錯，通常鵝肝俾人一種比較油膩嘅感覺，但係佢哋嘅鵝肝唔會太膩，都幾舒服。咁最後嘅炒飯都係非常之入味，黑松露味非常之香而櫻花蝦飯嘅味道都唔錯，少少鹹香味，令人食完一啖又一啖。