風雲丸

Open Now

Now Closed

風雲丸-石鍋沾麵「風雲丸」一間以石鍋沾麵出名既食店，門外掛滿紅白色燈籠，仿如置身日本。由於正值晚飯時間，所以排隊人數都幾多。排隊期間，最吸引我眼球一定係店內既一幅特色牆。🐻沙拉唐揚炸雞 $38不得不讚「風雲丸」既唐揚炸雞，除咗最基本既即叫即炸外，雞件醃製得勁入味，炸粉薄薄，食既時候要非常小心，因為炸雞太juicy，輕輕一咬會流出肉汁，另外，肉質鮮嫩同柔軟，最後點埋我鍾意既沙律醬，非常滿足。🐻豚骨魚介味玉沾麵 $93 + 粟米粒 $12「風雲丸」既沾麵選擇都幾多，而我就揀咗豚骨魚介味玉沾麵。最令我覺得貼心既係麵既份量同麵既冷熱都可以由顧客自行選擇。麵既份量分為200g、300g同400g（免費），而800g就要加$45，完全可以根據肚餓程度去選擇。沾麵湯底用上大量日本豬骨同魚介粉煮成，再用300度高溫石鍋盛載，濃郁又熱燙。另外，可以加入新鮮檸檬汁，提升湯底層次及添加多一份清新。「風雲丸」既麵條每日都自家新鮮製作，麵條較為粗身，入口緊實彈牙，由於較為粗身，所以增加湯汁掛麵。至於叉燒亦非常肥美同厚切，入口好淋同唔乾身。食到最後，我將追加既粟米加入湯頭，連埋湯頭品嚐最後既味美。