明星皇宮

Open Now

Now Closed

今日係回歸以來第三次十號風球，好彩黄昏已改三號，所以就可以同媽媽出去食餐生日飯嘞。我地六點半後去到呢間酒樓，好彩即時有位咋，否則又要去另一間。今晚真係座無虛席，很多人。侍應都算手腳快了，人手充足。廚房出餸都算快，我地食左個幾鐘已走得。我地叫了兩隻乳鴿，片皮鴨一食，鮮蝦荷葉飯和海味雜菜煲。最好味係雜菜煲，不油，很多不同的菜，又有蘑菇，粉絲。不過原來海味即係幾隻蝦米，仲以為係乜添。乳鴿比較乾，但肉厚，味道OK，我覺得點喼汁好好味。片皮鴨的薄餅包着鴨皮，再加上青瓜條同甜醬真係好好食，不過有些皮其實有很厚肉連着。荷葉飯份量很大，面頭有幾隻蝦，蛋絲，味道幾好，裏面有雞肉，燒肉等。最後食剩很多要打包。最後，有幾片橙送給我地食，但甜品就要自己叫，我地只叫了一個綠豆沙。