Video
Read full review
2018-11-13
59 views
有朋友搬左去太古城，咁見佢我食飯派帖，我就諗不如搵間近佢既餐廳食飯啦。佢仲話怕好遠唔就我，其實有地鐵就去邊都好方便。咁我就揀左係soho east近海邊既呢間「埠」食飯。上網睇到見佢D串燒好似唔錯，而且成個門面格局都幾高級下。一行到Soho East，見到舖頭後面上方有個大大個既牌寫住西灣河碼頭，而家就明白點解佢叫做「埠」啦，因為係一個碼頭，有意思!另一樣吸引我既就係佢門口有個牌寫住「海藻鹽使用店」，令到我對佢既串燒多一份期待。一入店內發現空間不算很大，只有大約20個座位，但都佈置得舒適同不會太迫。由於有預約，我地被安排在窗邊位置，可以望到維港，而且不時有船在旁邊碼頭上落往返鯉魚門，景觀一流喎!在窗外仲有幾個露台位，如果要呼吸的朋友就可以揀坐出面了。晚上冇咩套餐，咁我地就散叫串燒啦，而且都有好多選擇︰朋友都係鍾意食雞肉，所以分別叫左雞軟骨、雞翼同紫蘇梅子雞腿肉。另外都點左牛舌、兩串蔬菜類、沙津、飯糰同芝士年糕等。落左單黎左飲品後就先上左個脆脆野菜沙津，份量唔算很大但都適合兩個人淺嘗，而且蔬菜好新鮮、個醋汁都調校得幾好，酸酸地幾開胃。之後店員就用燒烤台拎左幾串串燒來，原來個台下面有D熱石
一行到Soho East，見到舖頭後面上方有個大大個既牌寫住西灣河碼頭，而家就明白點解佢叫做「埠」啦，因為係一個碼頭，有意思!另一樣吸引我既就係佢門口有個牌寫住「海藻鹽使用店」，令到我對佢既串燒多一份期待。
一入店內發現空間不算很大，只有大約20個座位，但都佈置得舒適同不會太迫。由於有預約，我地被安排在窗邊位置，可以望到維港，而且不時有船在旁邊碼頭上落往返鯉魚門，景觀一流喎!在窗外仲有幾個露台位，如果要呼吸的朋友就可以揀坐出面了。
晚上冇咩套餐，咁我地就散叫串燒啦，而且都有好多選擇︰朋友都係鍾意食雞肉，所以分別叫左雞軟骨、雞翼同紫蘇梅子雞腿肉。另外都點左牛舌、兩串蔬菜類、沙津、飯糰同芝士年糕等。
落左單黎左飲品後就先上左個脆脆野菜沙津，份量唔算很大但都適合兩個人淺嘗，而且蔬菜好新鮮、個醋汁都調校得幾好，酸酸地幾開胃。
之後店員就用燒烤台拎左幾串串燒來，原來個台下面有D熱石，可以令串燒保持熱度，而且咁樣影相一流，有心思。先黎左個牛舌、雞軟骨同雞翼，牛舌好香同埋肉質夠嫩，只係用鹽同黑椒調左少少味就生燒了，風味十足。雞軟骨同雞翼都係只用鹽去調味而且乾燒，可能有人會覺得冇汁有D乾，但我覺得咁先夠風味! 同埋而家明白用呢個海藻鹽同平時普通鹽的分別，因為真係冇咁一味死咸，而且覺得D肉唔會畀鹽醃到好實咁! 值得一讚係個紫蘇梅子雞腿肉，肉上面放滿新鮮紫蘇葉絲，肉面就搽左一層薄薄的梅子醬，令到肉既味有幾個層次，而且肉夠厚而彈，又有鮮味，果然值得做推介食品。
主食類我地叫得唔多，揀左個芝士年糕同松葉蟹肉飯糰。兩款都有塊紫菜附上，芝士年糕的芝士咸咸地，糯米夠軟同香，好食! 不過份量有D細，哈哈，如果每一塊大少少會更正! 飯糰就係一個圓餅形狀，飯糰表面都有烤過，所以好香口 (不過同時都有D熱氣~)，蟹肉就主要放係其中一邊，份量又係唔多不過好香同埋同飯好夾。
由於同朋友太好傾，所以慢慢食都食左兩個鐘，最尾大家share左個蕨餅就完結左呢餐。今晚食既份量唔算好多，但都好滿足，因為食物質素同處理既手法都高明，加埋成個setting都好舒服，值得再返黎食。
Post
