麻辣風雲 (京都廣場) (Closed)

Happy hour時光，相約朋友見面去銅鑼灣駱克道491-499號京都廣場5樓的麻辣風雲食麻辣四川菜。餐廳面積好大，座位相當舒服，菜式亦好好味。水煮牛肩肉 $268 大大盤水煮牛肩肉面頭舖滿辣椒，散發住辣椒的香味，即刻刺激口腔分泌口水，增加食慾，上面仲加埋芝蔴和芫茜，芫茜味正呀，我鍾意！嫩滑的牛肩肉沾上水煮辣汁，放入口香辣味係口腔爆發出黎。仲有口感Q彈，煙煙靭靭的寛薯粉，好味呀！麻辣夫妻肺片＄68 爽口惹味，麻辣味好香，最鍾意食牛展和牛肚！薑煸牛肉 $178 牛肉嫩滑好有咬口，用薑、蔥蒜、洋蔥和辣椒仔炒香，非常惹味！菊花蜜 ＄48 好香的菊花味，用酒壼上，再配埋個酒碟飲，好有風味呀！