Video
Read full review
2016-09-27
250 views
今晚賣甩肥妹女友，同左個fd去左佐敦重慶燒食串燒，黎返晚男人的浪漫呢度位置唔算好易揾，不過好在有揸車，地鐵站行過黎都有啲距離，呢度有两間店，一間旗艦店一間專門店，今次我地去旗艦店，雖然唔知有咩分別舖頭細細，環境一般，不過呢啲先係男人嘅浪漫丫麻，叫左條魚，叫啲串燒，呢度最好係有大size嘅Hoegaarden，唔使飲到到喉唔到肺燒烏頭 $88老老豆豆，通常燒海鮮都係計時價，但呢度燒盲鰽，紅柚，黃立倉果啲都係88蚊條，都真係幾抵食，呢條魚上到枱熱辣辣，店員喺上枱前已經介好左，等我地一打開魚皮就食到入面juice嘅魚肉，魚肉唔鞋口，點埋佢提供嘅酸辣醬，唔錯，好惹味燒腐皮三文治其實呢個燒腐皮喺大陸食過念念不忘，同時都係肥妹女友嘅重點燒物之一，喺呢度見到有就叫黎睇下點三文治法，原來係腐皮間夾有大量嘅蔥同蒜泥，表面脆卜卜，的確係香口同送酒一流，不過我都係鐘意腐皮軟軟，汁燒嘅口感多啲燒茄子同燒韮菜都係必食(肥妹女友必點)燒茄子大大條，配上蔥蒜同香料，又juice又有咬口燒韮菜試過自己燒，硬係燒唔到呢個效果，唔係燒乾就燒燶，但呢度又無啲咁嘅問題，所以送酒都係一流丫，要提一提呢個煙肉蕃茄串，估唔到煙肉同
呢度位置唔算好易揾，不過好在有揸車，地鐵站行過黎都有啲距離，呢度有两間店，一間旗艦店一間專門店，今次我地去旗艦店，雖然唔知有咩分別
舖頭細細，環境一般，不過呢啲先係男人嘅浪漫丫麻，叫左條魚，叫啲串燒，呢度最好係有大size嘅Hoegaarden，唔使飲到到喉唔到肺
燒烏頭 $88老老豆豆，通常燒海鮮都係計時價，但呢度燒盲鰽，紅柚，黃立倉果啲都係88蚊條，都真係幾抵食，呢條魚上到枱熱辣辣，店員喺上枱前已經介好左，等我地一打開魚皮就食到入面juice嘅魚肉，魚肉唔鞋口，點埋佢提供嘅酸辣醬，唔錯，好惹味
燒腐皮三文治其實呢個燒腐皮喺大陸食過念念不忘，同時都係肥妹女友嘅重點燒物之一，喺呢度見到有就叫黎睇下點三文治法，原來係腐皮間夾有大量嘅蔥同蒜泥，表面脆卜卜，的確係香口同送酒一流，不過我都係鐘意腐皮軟軟，汁燒嘅口感多啲
燒茄子同燒韮菜都係必食(肥妹女友必點)燒茄子大大條，配上蔥蒜同香料，又juice又有咬口燒韮菜試過自己燒，硬係燒唔到呢個效果，唔係燒乾就燒燶，但呢度又無啲咁嘅問題，所以送酒都係一流
丫，要提一提呢個煙肉蕃茄串，估唔到煙肉同蕃茄都可以咁夾，煙肉無煙乾，另外蕃茄一咬落去，佢嘅香甜出晒黎
的確呢度有大size嘅Hoegaarden,不過因為揸車關係，叫左杯青蘋果汁，入面有啲一粒粒嘅果肉，啲果肉好甜，杯野都唔差，不過下次我都係叫返Hoegaarden最穩陣！後話：而家食野唔覺唔覺，叫左啲肥妹女友鐘意食嘅添，大獲，我會唔會遲早被同化，變肥仔…
Post
