時代冰室 (環球工商大廈) (Closed)

有燈神之稱嘅蕭若元開嘅「時代冰室」，格局都新潮唔老土，當眼處掛上「無論時代點變 味道依然不變」嘅白燈管招牌。前排炮台山藍店紅磡冰室執笠然後被蕭生頂手開黃店💛香港暫時有四間分店，如果去九龍灣大渣哥太多人就不妨過對面馬路食時代啦；炮台山分店就係之前介紹過黃到金茶飲店「茶一」馬路對面。💛黃店認證：老闆係蕭若元，網上談論及表態支持返送中，支持流亡台灣手足。.👓蔥油厚切豬扒伴三眼煎蛋飯 $58面頭好多蔥油，配上豉油撈白飯一流，鍾意食蔥同埋濃味嘅人啱晒。豬扒都大塊同厚，炸得唔燶有脆邊可口。三隻蛋黃望落好漏好邪惡，但督穿晒蛋液撈飯食就會不自覺食晒🤣而且嗰三隻蛋真係冇想像中咁多咁漏架！整體其實唔算好出色不過算係依間冰室稍為好少少嘅主食🤧評分：7/10👓醬燒豬扒鐵板炒烏冬 $58豬扒都好大份不過煎到又煤又乾又硬又冇乜味，烏冬就真係純粹好普通嘅烏冬，加唔太濃味嘅醬油炒，有洋蔥粟米木魚。評分：5.5/10👓功夫．無骨海南雞飯 $59雞份量正常，食晒都唔會太飽，但攞上黎個陣已經凍凍地，肉質唔算滑嫩，個飯好香雞油味但都係凍嘅所以扣好多分。雞唔算好入味惹味，口水雞可能會好食啲。評分：6/10👓皇牌．厚切焗豬扒飯