Video
Read full review
2006-06-05
11 views
星期六,朋友突然間話想打邊爐,就自然黎左火井了.四個人,點了-大手切牛肉x2,蟶子,卷卷羊肉,花膠,鴨舌,黑牛栢葉,鵝腸,魚皮餃,金菇,娃娃菜,烏冬食到尾見人地食生魚片,我地想食又怕食唔晒,問才經理意見,介紹我地食左另一款XX魚,話細條D又甜D每次來火井必叫的有-招牌鍋,偉大的地方在於樣樣齊.其中蕃茄一開始便給整個鍋帶來鮮甜味道.豬皮吸晒邊爐的精華.鷄腳保持著湯底的稀杰度,至尾也不會水汪汪.以往試過其他鍋底,總比招牌鍋略遜一籌.牛肉不用講吧,反正來火井沒理由不點的,是主菜.花膠,一開始倒晒落去,臨尾吸晒味又冧晒先食,必清.鴨舌,浸住酒,又係一開始倒晒落去,去到半路可以開始食,吸晒味之餘,嫩滑無比.至於海鮮是時令的,而且去貨很快,晏左己經賣晒,包新鮮呢期係蟶子,隻隻都成對筷子咁粗,綠起鮮甜爽彈無比.(冬天推介墨魚刺身)打邊爐常見配料,若好此道者不得不叫的-黑牛栢葉,大大塊.食得多,去其他地方打邊爐叫親黑栢葉都會覺得不對勁.魚皮餃,皮薄餡不梅.很怕食到D肉梅晒但好"鮮甜"的魚皮餃.烏冬,有點煙UN,不是一般街邊食開的"都一"貨色.又係埋牙必然正選.XX魚,新鮮魚片.我不好打邊爐食魚,但敢想
四個人,點了-
大手切牛肉x2,蟶子,卷卷羊肉,花膠,鴨舌,黑牛栢葉,鵝腸,魚皮餃,金菇,娃娃菜,烏冬
食到尾見人地食生魚片,我地想食又怕食唔晒,問才經理意見,介紹我地食左另一款XX魚,話細條D又甜D
每次來火井必叫的有-
招牌鍋,偉大的地方在於樣樣齊.其中蕃茄一開始便給整個鍋帶來鮮甜味道.豬皮吸晒邊爐的精華.鷄腳保持著湯底的稀杰度,至尾也不會水汪汪.以往試過其他鍋底,總比招牌鍋略遜一籌.
牛肉不用講吧,反正來火井沒理由不點的,是主菜.
花膠,一開始倒晒落去,臨尾吸晒味又冧晒先食,必清.
鴨舌,浸住酒,又係一開始倒晒落去,去到半路可以開始食,吸晒味之餘,嫩滑無比.
至於海鮮是時令的,而且去貨很快,晏左己經賣晒,包新鮮
呢期係蟶子,隻隻都成對筷子咁粗,綠起鮮甜爽彈無比.
(冬天推介墨魚刺身)
打邊爐常見配料,若好此道者不得不叫的-
黑牛栢葉,大大塊.食得多,去其他地方打邊爐叫親黑栢葉都會覺得不對勁.
魚皮餃,皮薄餡不梅.很怕食到D肉梅晒但好"鮮甜"的魚皮餃.
烏冬,有點煙UN,不是一般街邊食開的"都一"貨色.又係埋牙必然正選.
XX魚,新鮮魚片.我不好打邊爐食魚,但敢想像這一定是喜歡的朋友既必然正選.
(另外蝦滑鯪魚滑滑墨魚滑,均是新鮮貨色,打到起膠,不是落生粉的速成貨,好此道者請自行落單)
另有推介的-
卷卷羊肉,很SO的.不能說是羊肉的錯,只能說沒合適醬料調味.若打算點,最好事前準備定沙茶醬,去到加豉油糖蒜蓉.否則,建議叫東山羊,件上,幼嫩不SO.
火井另一值得讚賞的地方,是他們的豪華女厠.打邊爐傾下計,一兩個鐘乃平常事,乾淨整潔的女厠,芳香清新劑的背後沒半點尿壓味,能令女仕們覺得身心舒暢,唔會想番屋企先去厠所而趕住走.
四人坐兩個鐘,八百多元.
Post