九份飽 (蜆殼街) (Moved) New Location

台灣係疫情期間我最掛住嘅地方之一，所以要食番啲台式小食止止癮～九份飽嘅魯肉飯幾有台灣嘅味道，滷汁好香撈飯一流，魯肉半肥瘦，連平時唔食肥肉嘅妹妹都接受到，細細碗都幾飽肚。紅燒牛肉麵嘅湯底唔算好濃但又會令你一口接一口想飲晒佢，牛肉係牛𦟌嚟幾有咬口，另外仲配咗芫茜同酸菜。酥炸魷魚脆卜卜好香口又彈牙；九份芋圓甜甜地好豐富，除咗芋圓仲有仙草、豆花、珍珠同紅豆；反而黑糖珍珠奶茶就有啲小失望，唔係好飲到黑糖味，比較似普通珍奶。