Video
Read full review
2011-08-27
25 views
呢日一班人嚟到旺角, 於兆萬中心芸芸食肆中揀咗呢間. 我地無訂位, 6個人等咗大約45分鐘先有得入去. 入去見到呢間和味館都幾逼狹下, 中間條通道好窄, D枱同凳擺得又密. 本來已經坐得唔太舒服, 之後侍應仲駁長咗隔離枱, 加咗兩個位俾其他客人, 搞到我同佢地幾乎全程膊撞膊. 雖然環境都幾幹凈企理, 但就點都稱唔上舒適, 呢方面要扣下分.好, 講番食物, 2個鐘任食, 我地叫咗:魚生: 都係例牌三文吞拿果D, 質素俾我預期中好少少, 起碼新鮮度OK, 無雪味. 三文魚幾肥美, 其他既就平平無奇. 甜蝦/火灸帆立貝壽司: 呢兩樣都唔錯. 甜蝦夠鮮甜, 火灸帆立貝切得薄咗D, 但貨係新鮮既, 食得出帆立貝既鮮香.三文魚/立魚/北寄貝壽司: 呢碟就唔多掂. D魚生乾爭爭到好似整好後吹足兩個鐘西北風咁--事實上以呢間鋪既忙碌程度嚟睇, 預先做好絕對唔出奇. 好在我地6個人食後都安然無恙, 舊壽司飯都握得可以, 未至於一挾即散.鰻魚/赤貝壽司: 鰻魚咪大路鰻魚味囉, 赤貝就無任何鮮味, 得個爽爽韌韌既口感.冬蔭公: 唔係我地叫, 係侍應哥哥神不知鬼不覺o係我手肘位隊上嚟既. 既然隊到上嚟我地咪飲
好, 講番食物, 2個鐘任食, 我地叫咗:
魚生: 都係例牌三文吞拿果D, 質素俾我預期中好少少, 起碼新鮮度OK, 無雪味. 三文魚幾肥美, 其他既就平平無奇. 甜蝦/火灸帆立貝壽司: 呢兩樣都唔錯. 甜蝦夠鮮甜, 火灸帆立貝切得薄咗D, 但貨係新鮮既, 食得出帆立貝既鮮香.
三文魚/立魚/北寄貝壽司: 呢碟就唔多掂. D魚生乾爭爭到好似整好後吹足兩個鐘西北風咁--事實上以呢間鋪既忙碌程度嚟睇, 預先做好絕對唔出奇. 好在我地6個人食後都安然無恙, 舊壽司飯都握得可以, 未至於一挾即散.
鰻魚/赤貝壽司: 鰻魚咪大路鰻魚味囉, 赤貝就無任何鮮味, 得個爽爽韌韌既口感.冬蔭公: 唔係我地叫, 係侍應哥哥神不知鬼不覺o係我手肘位隊上嚟既. 既然隊到上嚟我地咪飲囉. 碗湯味道單薄, 只有酸味同辣味. 裏面為數唔多既湯料似乎同碗湯完全無關. 你試下將醋&辣椒油撈埋再溝水, 睇下會好味得去邊?
清酒煮蜆: 呢個有驚喜, 好好味. 蜆唔算大亦唔算肥, 但好鬼鮮甜下, 質感又creamy. 酒味就嗒唔到又聞唔到, 都唔知有無落.燒物: 所有燒物都夠熱, 熱到燙嘴, 熱辣辣既食物點都比較滋味既. 多春魚唔腥, 燒得亦唔太乾. 雞串燒亦一樣, 唔乾, 入面仲有少少juicy. 豚肉串燒就較為詭異, D肉醃到無晒豬肉味, 都唔知自己食緊乜.
泰國鹹魚炒芥蘭&馬拉盞炒通菜: 又係驚喜之作, 估唔到呢度都有鑊氣呢囘事. 尤其後者, 裏面仲混有一粒粒細小既蝦米一齊炒, 令碟菜更惹味同有唔同既口感. 但可惜我地滿意得太早, 之後追加既幾碟, 鹹魚同馬拉盞味越來越淡, 最後果碟通菜直情完全無落馬拉盞--唔通馬拉盞用晒?
仲有就係呢度成日漏單, 無論要咩食物, 剔三碟只係嚟一碟, 甚至嚟都唔嚟--除咗飽肚既壽司, 呢樣就嚟得又快又足.
越式蒸粉卷: 層粉皮蒸到霉霉爛爛, 一擺入口就自動溶化成漿糊, 諗起都唔多開胃.炸物: 食咗泰式炸蝦餅同魚餅. 兩者都夠新鮮滾熱辣, 炸得脆口非常又唔油膩. 蝦餅質感彈牙, 都有D蝦鮮味. 而魚餅就非常辣, 嗒極都嗒唔出魚味, 都唔知用咗咩肉去做, 食到大家混混噩噩.
甜品試咗蕉葉西米糕(敢問蕉葉何在?), 請註意件糕質地非常稀, 所以要用匙羹筆嚟食. 味道都幾好, 椰汁香濃又唔太甜. 仲有杯裝雪糕, 呢樣唔需要多介紹喇.飲品方面有茶, 荔枝, 巨峰特飲等, 啤酒只有Blue Ice. 荔枝特飲夠凍, 清清地幾好飲. 遺憾既係正如上面所講, 漏單係呢間店既傳統, 當我飲完第一杯drink後想再加, 我有我不停遞紙, 佢有佢一直當我無到, 結果由頭到尾我只係飲咗一杯飲品.
食到接近尾聲, 到夠個半鐘會有人提你last order, 一踏正兩個鐘就有人自動拎張單俾你, 又係侍應哥哥無聲無息咁o係我手肘位攝張單上嚟. 好似倚天屠龍記個冷謙咁, 一個字廢話都唔講, 攝完隨即飄然遠去. 如果佢地能夠講番句:"唔好意思, 你地夠鐘喇, 可唔可以埋咗張單先?" 咁做客人既會覺得比較受尊重囉. 有時見佢地忙到踢晒腳都知唔可以太苛求, 但講多句說話又唔阻得你地幾耐, 希望佢地能夠注意下.
其實嚟得食呢類放題, 都會自動自覺將標準降低, 所以我覺得呢間店又未算太差, overall嚟講都值一個OK既. 嘻嘻哈哈又同朋友過一晚, 都幾好玩, 翻兜就無乜興趣喇.
Post
