深宵食堂 (Closed)

夜晚11點半出嚟搵食，openrice尖沙咀深宵食堂開到2點，就衝咗上嚟，原來openrice唔準，今日1點收。先嚟2杯飲品，忌廉鮮奶唔係罐裝，有濃香鮮奶味，正。到杯士多啤梨奶昔，竟然唔係奶昔嚟，有啲失望。跟著嚟個牛肉飯，賣相ok，牛肉唔會乾，飯用日本米，有牛肉汁，撈一撈非常香口。食咗2啖，豚肉飯到啦～豚肉有超香牛至味，厚厚一片有5片，金黃爽身，咬落軟熟，飯一樣係日本米，底有醬汁撈一撈又清埋。最後最期待嘅牛油焗什菌居然係最失望嘅，牛油唔香，淡得嚟有澀味，其實稍稍多啲鹽就解決到嘅問題，唉o(︶︿︶)o埋單$234。