黑門水產すいさん (棉登徑)

Open Now

Now Closed

今晚又同hubby去拍拖食好西，揀左尖沙咀既黑門水產，6:00入去嘅時候冇乜人，不過好快就已經坐滿了。叫咗個三文魚牛油炒雜菇（ $58 ），牛油味香，有三文魚肉碎在當中，整體份量都唔少。味增煮牛肋骨（ $88 ），啲牛好腍，有七至八舊，蘿蔔又好入味，值得一試。我仲聽咗個朋友教我點鱈魚白子，其實我完全唔知係乜，嚟到嘅時候有兩舊白雪雪嘅嘢用冰震住，食落滑嘟嘟，食完先上網Google一下究竟係乜，原來係鱈魚精囊，仲話好補身.....忘記呢啲食返啲正常嘢，叫咗個北海道海鮮丼（$158 ），我覺得呢個相當之抵，魚生各兩片，包括：三文魚、吞拿魚、池魚、油甘魚、帶子、玉子、海膽、魚子和蟹籽各一堆，熟蝦和甜蝦各一隻，刺身新鮮唔洗講，啲飯係加左味素但唔會太鹹，呢個性價比好高，正！還有我最鍾意的Sukiyaki壽喜牛肉鍋（ $128 ）當然要追加個烏冬（加$35 ），估唔到個烏冬咁滑，牛肉有三大塊，不過我哋似乎煮得太耐，韌咗少少，另外仲有好多配菜，個豆腐又係好滑，正呀！