花子舍 (Closed)

今晚約了契女去按摩，她放學後在銅鑼灣，自自然然在附近找食肆，想起有一間以花為主題的餐廳，就和她一起晚餐。可能今晚是賽馬日，所以比較人少，我們坐下來後，契女要了一個帶子黑松露意大利飯($160)，加拿大豬鞍架($198)和紐西蘭肉眼扒($258)，每個餐包餐湯、沙律、一杯紅或白酒。薯仔沙律配上芥末汁，作為前菜又幾好。餐湯係南瓜濃湯，濃湯內有些煙肉，加上南瓜香味，好夾。跟餐的紅酒，味道不會太濃裂，容易入口，食肉更加配合。帶子黑松露意大利飯，帶子都幾大隻，而且煎得剛好，黑松露唔算太濃味，擺設得幾靚，啱晒女仔吃。紐西蘭肉眼扒，我們要了六成，切開剛剛好，仲有少許生，又不會太熟，而肉味十足，筋位唔靭，係一件正牛排。慢煮方法烹調的豬鞍架，肉質軟淋，富有肉汁，好香肉味，可能豬鞍比肥美，如果煎的時候，再減少些油，就更好味道。至於甜品方面，蘋果烤酥($45)和玫瑰芝士蛋糕($49)。蘋果烤酥內有些餅碎和蘋果片，加上雪粽一起吃就更加好味玫瑰芝士蛋糕，芝士唔太濃，反而吃到玫瑰味，甜度適中，我推薦這個甜品我覺得晚餐不算太貴，味道還很好，仲可以有餐酒，在銅鑼灣區算便宜了。