小漁港海鮮舫 鮮蒸‧鮮味火鍋

Open Now

Now Closed

天寒地凍最想食啲暖笠笠嘅嘢食，今日嚟到小漁港試佢嘅蒸海鮮，呢個$298一位蒸海鮮套餐包八款時令海鮮，兩款刺身，四款蔬菜，同一個主食我哋仲點咗個避風塘豬手避風塘豬手 $68外皮整到好似燒豬皮咁香口，配埋個避風塘味外脆入面Q彈，帶少少辣味，好好食，跟住就食套餐嘅頭盤，呢度有三款刺身，北寄貝，帶子，同象拔蚌，全部都勁鮮甜，係絕對唔好點豉油食，就咁食已經好正，食埋個刺身就準備我哋嘅主角，首先鍋底就倒南瓜排骨粥底落去，唔洗加水㗎，跟住就放第一輪海鮮餐廳啲姐姐好好人好好服務，幫手落海鮮較啱時間，就有得食呢個大大粒帶子好厚肉好甜，蒸得剛剛好，個蝦係新鮮蝦，肉質甜又爽口第二款就係大大隻蟶子一啲都唔會韌，好爽口，重申多一次唔好點豉油，食佢原味已經好足夠啦第三輪係鮑魚，真係要讚多次餐廳姐姐們，蒸唔同海鮮較嘅時間都好準，呢個鮑魚好鮮甜輕輕一咬就得，唔會蒸到過熟，第四輪有幾款海鮮包括蠔，花甲，桂花蚌同蜆全部都好甜，好出原有嘅海鮮鮮味，個蠔係食完你個口都留住陣蠔味囉！！！跟住食完貝類就到魚魚啦，呢條係馬友魚鮮味魚油味係爆發哂出嚟，我無誇張㗎，一個字甜驚喜同驚嘆未完㗎，仲有兩輪勁爆爆膏嘅膏蟹，我最愛呀，仲有啖啖肉