旦王米線站

Open Now

Now Closed

睇之前d帖寫衞生差，所以卻步，然後過左一排，又見到有帖寫大窩米線，又見到平時都多人入去食，於是都係膽粗粗走左入去。叫左碗$60既大窩紅薯粉+酸辣湯底，俾個碗既size嚇親，大過譚仔個過橋米線好多。咁多料之中，最鐘意食炸醬同酸菜，依兩樣最有味道同埋好難唔好食。其餘個d肉丸、肉片有陣雪櫃味，最odd係蟹柳，得半條，而且真係原裝無過熱水就放入碗度，但湯既熱度又唔會令蟹柳鬆啲，結果好似食擦膠咁。既然自己叫食，依餐無得冤。但見人地枱叫雞翼牛油西多士，即叫即煎勁吸引咁款，就更加唔想再食碗紅薯粉。幾粒鐘後突然肚痛肚痾，懷疑碗野唔乾淨。本來無諗住寫帖，但到第二朝個肚依然又痛又痾，就真係唔寫唔得。可能其他野食物，不過米線類就算把啦。