客家人

Open Now

Now Closed

放工經過見到一間專食客家菜嘅餐廳，突然忽發奇想入咗去食。餐廳寬敞，枱與枱之間都有好多空間，唔會坐到好迫夾。餐牌有好多客家菜選擇，好多都好正宗，必試嘅當然係藥膳黃酒煮雞湯！老闆娘好主動咁向我哋推介呢個湯落足料，甚至連黃酒都係靚野，仲攞左啲酒出嚟俾我哋聞下再加落去。雞湯叫咗半隻雞，另外有大量紅棗、雲耳、薑粒等，真係好補身好足料！我哋兩個人每人飲咗三碗都仲可以打包！圍村獅頭鵝，感覺就好似啫啫煲咁夠晒鑊氣！味道惹味，肉質唔韌，有腐竹索汁，有啲香芹可以增加香氣，仲叫一碗白飯送獅頭鵝。西蘭花炒帶子，帶子唔會好細粒，大粒鮮甜，唔會過鞋！